Urkunde Nr. 185 aus Band I

Seite im UB:

130-132 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

185

Ofen 1277 Mai 30 ^b) Stephan, Erzbischof von Kalocsa, und sieben ungarische Bischöfe theilen der siebenbürgischen Geistlichkeit mit, dass Gaan und Genossen für die von denselben an der Weissenburger Kirche verübten Gewaltthätigkeiten mit dem Banne belegt worden sind.

[Stephanus] archiepiscopus Colocensis, J[ob] Quinqueeclesiensis aulae illustris regis Hungariae cancellarius, Philippus Vaciensis aulae reginae cancellarius, Lodomerius Waradiensis, Ty[motheus] Zagrabiensis, Dionysius Jauriensis, [Petrus] Transsiluanus et Povka Syrmiensis ecclesiarum episcopi praepositis, abbatibus, prioribus, plebanis et parochialium ecclesiarum sacerdotibus universis in ducatu Transsiluano constitutis tam ad diocesim Transsiluanam quam ad sanctam Strigoniensem ecclesiam pertinentibus salutem in domino sempiternam. Dispendia seu destructiones regni et venerabilium ecclesiarum [rec]ensentes¹⁾ in generali congregatione omnium praelatoruni et baronum, necnon omnium nobilium de singulis provinciis et etiam Cumanorum praesente regia [ ]²⁾ exstitit pro bono et utilitate communi et iuramento firmatum, ut regalia et ecclesiarum iura ac nobilium nullus audeat occupare nec talis [ ]³⁾ se fovere invicem auxilio et consilio teneantur. Nosque auctoritate dei omnipotentis de voluntate regia et baronum ac omnium nobilium et etiam Cumanorum in eadem congregatione maxime Vngarorum in omnes eos, qui pacis fuerint turbatores vel qui regalia seu ecclesiarum iura de cetero praesumpserint occupare vel de [ ]³⁾ pacis et damnis datis seu iniuriis irrogatis satisfactione debita non duxerint occurrendum, excommunicationis sententiam ex nunc duximus proferendam [ ]⁴⁾ int et emendam seu satisfactionem condignam studeant exhibere. Hoc etiam dominus rex noster in ipsa congregatione publice suo iuramento firmavit, [ ]³⁾ excommunicatos a nobis evitabit et faciet ab omnibus evitari quod si malorum et rebellium perversitas statum veri- [S. 132] tatis enervans, iniunctum increbuerit ut specialem [ ]¹⁾ excommunicationis sententiam vilipendant, ad convincendam malitiam rebellium perversorum et malignantium dominus noster rex, barones omnes cunctique nobiles ac [Cumani] de regno contra flagitiosos huiusmodi seu pestilentes regni unanimiter insurgere tenebuntur sicut iuris iurandi religione ad hoc firmiter sunt astricti. [ ]²⁾ totum regnum auctoritate apostolica super hoc recepta et nostra subiiciemus ecclesiastico interdicto, severitate debita malefactores [ ]³⁾ coercendo donec [ ]⁴⁾ satisfactione seu emenda ad reconciliationis gratiam revertantur. Cum itaque Gaan filius Alardi et suae sequaces malitiae ac inquietatis complices, Saxones partium Transsiluanarum ecclesiam beati Mychaelis cathedralem rabie diabolica inducti et repleti enormiter combusserint, archidiaconos, canonicos, sacerdotes, clericos et et magnam multitudinem Christianorum in eadem et in aliis ecclesiis concremaverint aliosque innumerabiles ubicumque locorum deprehensos interfecerint, reliquias, cruces, calices, indumenta sacerdotalia et omnia ornamenta ecclesiarum cum libris ac aliis rebus sacris necnon thesauro ecclesiae memoratae rapuerint, in ususque suos immundissimos usurpaverint, et ideo sententiam excommunicationis inciderint ipso facto, devotionem universitatis vestrae tenore praesentium monemus in domino et hortamur, quatenus dictum Gaan et suos socios in praescriptis maleficorum participes praescriptorum tamquam excommunicatos evitare debeatis, facientes etiam eos ab omnibus artius evitari. Nos enim eos auctoritate omnipotentis dei denunciamus excommunicatos, donec de ipsa enormi combustione ecclesiarum, de damnis et iniuriis illatis satisfactionem impendant omnimodam et absolutionis adipisci gratiam mereantur. Datum Budae, in quindenis Pentecostes, in convocatione domini regis Hungariae generali.


a) Erster Seitenumbruch in Vorbemerkungen. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 131, 1-4 auf S. 132.^{^}
a) Dinca -- Kovács, Ergänzungen 138 statt: 1278 Juni 19.^{^}
[S. 131]
1) Schrift geschwunden, 1 Centimeter breit.^{^}
2) Desgleichen, 3 Centim. ^{^}
3) Desgleichen, 2 Centim. ^{^}
4) Desgleichen, 2.1 Centim. ^{^}
[S. 132]
1) Schrift geschwunden, 2.3 Centim.^{^}
2) Desgleichen, 1.6 Centim.</fnzt> <fnzt>3) Desgleichen, 1.7 Centim.^{^}
4) Desgleichen, 1 Centim.^{^}