Urkunde Nr. 4005 aus Band VII

Seite im UB:

17-19

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 354.

Druckvorlage:

nach Abschrift

Abdruck als:

Volltext

Sprache:

Latein

---

4005

1474 Juni 29 Pfarrer Johannes von Hermannstadt anerkennt die von Stadtrat umgearbeiteten Bestimmungen über die gemäss königlicher Schenkung zu verwendenden Einnahmen der Kerzer Abtei.

Dispositio seu ordinatio proventuum abbatiae Kercz iuxta formam donationis regiae¹⁾ et cetera. Item²⁾ primo ordinatum est, ut singuli prouentus quorumcumque proventuum praedictae abbatiae quovis nominis vocabulo vocitatorum colligi debeant per cives Cibinienses vel eorum alterum, qui ex eorum deliberatione ad illos colligendos fuerit institutus, nisi his proventibus demptis, qui nominatim ex post fuerint excepti et cetera.
Item²⁾ secundo ordinatum est, quod secundum contenta literarum donationalium regalium, ut cultus divinus augeatur, pro honore cunctipotentis dei ac eius intemeratae genitricis virginis Mariae unam missam singulis feriis quintis in ecclesia parochiali Cibiniensi in choro de mane ante maturam missam de sacratissimo corpore Christi solemniter cum ministrantibus et in organis et praesentia omnium cappellanorum per eosdem decandandam; ita tamen, ut cappellani praedictae ecclesiae antequam missa incipitur in processione cum devotione et cantu in ecclesia cum corpore Christi circumeant³⁾ et cetera.
Item²⁾ tertio ordinatum est, ut is cultus et alii alias circa ecclesiam Cibiniensem instituti melius et comodosius compleantur⁴⁾ et conserventur, temporum per successum de proventibus praedictis plebano Cibiniensi [S. 18] pro tempore constituto, centum florenos dandos per praedictos cives vel eorum alterum ad hoc deputatum, isto tamen adiuncto, quod plebanus pro tempore constitutus teneatur semper et sine notabili mora tenere continue in dote et mensa sua, secundum priora instituta ecclesiae Cibiniensis viginti sex cappellanos et unum praedicatorem, ita ut missae prioris fundatae iuxta contenta bullae sedis apostolicae et donationis Sigismundi regis, singulis diebus in suis altaribus ad honorem illorum sanctorum celebrentur et cetera.
Item¹⁾ quarto ordinatum est, ut tres cappellani bonae vitae et conversationis continue teneantur in ecclesia beatae Mariae virginis in Kercz, qui ut in plurimum singulis diebus, dum ad divina celebranda dispositi fuerint, tres missas celebrent. Item et unum cappellanum similiter in civitate Brassoviensi in cappella beatae Catharinae virginis et martiris, quae similiter cotidie dum ad divina dispositus fuerit, missam unam celebret. Hoc quidem arbitrio stet plebani civitatis Cibiniensis, si hoc cappellanos in praedictis locis ordinare et disponere voluerit, quod si fecerit, de dictis proventibus dandi sunt illi floreni auri centum, et cum hoc ad praedictum plebanum Cibiniensem, ratione praenominatorum cappellanorum debent singula offertoria annotatae ecclesiae Kercz et etiam in cappella Brassoviensi supradicta pertinere et cetera.
Item¹⁾ quinto ordinatum est, ut de decimis et aliis proventibus dictae ecclesiae et abbatiae Kercz triticum seu annonam pro sustentatione dictorum cappellanorum in Kercz servandorum pro mensa videlicet cubulos annonae octoginta, item quatuor bones mactabiles, item decem et octo agnellos, item singulos agnellos, quotque provenerint pauci vel mulli in decimis in territorio possessionis Kercz. Ita tamen, ut minister seu provisor per praelibatos⁵⁾ cives⁵⁾ ibidem constituendos quo ad personam suam liberam mensam cum praedictis cappellanis habeat, dum modo idem ad notabile tempus ibidem non persistet et cetera.
Item¹⁾ sexto ordinatum est, quod praedictus articulus ratione cappellanorum in Kercz et in Brassouia ordinandorum cum singulis suis incidentiis duraturus esse debeat ad spatium unius anni ad probam et cetera. Septimo ordinatum est, quod cappellani praedicti in monasterio Kerez debent habere sua loca deputata et domicilia honesta una cum familia et loco eorum communi alia vero pars domus debet pertinere ad irregibilia provisionis pertinentiarum et cetera.
Item¹⁾ octavo ordinatum est, ut omnia et singula negotia incumbentia hic non expressata, debent esse sub dispositione dominorum civium praedictorum et cetera.
Item¹⁾ nono ordinatum est, quod anno revaluto provisor seu vitricus quicumque institutus fuerit pro tempore plenam teneatur in praesentia plebani et memoratorum civium rationem dare et facere de omnibus fructibus et proventibus, quibus nominibus vocitari possunt, ita, ut omnia quae ultra praedictorum expositorum superius conscriptorum inventa fuerint singula illa pro fabrica ecclesiae Cibiniensis et ecclesiae in Kercz cedere debent, ut nihil de hiis fructibus ad manus seu usum cuiuscumque laici devenire et devolui debet, sed omnia pro fabrica ecclesiarum praedictarum et aliis necesariis et necessitatibus quibuscumque cedere⁶⁾ debeant et cetera.
Item¹⁾ decimo ordinatum est, ut terminus solutionis praedictarum missarum singulis annis ipsi plebano Cibiniensi fiendum sit probe festum sancti Martini episcopi⁷⁾ aut infra octavas eiusdem et cetera.
Item¹⁾ undecimo ordinatum est, ut quando aliquis cappellanorum ibidem constitutus praelibatis civibus civitatis Cibiniensis displicebit, extunc ad [S. 19] instantiam ciuium plebanus pro tempore constitutus eundem de loco remouere debeat et cetera.
Item¹⁾ duodecimo ordinatum est, quod si praedicti proventus abbatiae temporum in successu per desolationem perfidissimorum Turcorum vel aliorum potentium vel servientium⁸⁾ vel alio modo quocumque absque culpa praedictorum civium undecumque diminuerentur, extunc iterum nova debet fieri provisio secundum exigentiam saepius dictae abbatiae Kercz proventuum et cetera.
Et⁹⁾ ego¹⁰⁾ Johannes artium et iuris canonici baccalaureus, plebanus civitatis Cibiniensis, praescriptos articulos sic ordinatos in genere et in solido affirmo, assumo et approbo praesenti cirographo meo mediante. Actum die Petri et Pauli apostolorum, anno domini M^o CCCCLXXIIII.


1) Der gleiche Text bis hierher auch auf dem Umschlagblatt als Überschrift. [8x]^{^}
2) Am Rand herausgehoben. [3x]^{^}
3) Vorlage circueant.^{^}
4) Vorlage complentur.^{^}
5) Aus praelibatus civis gebessert. [2x]^{^}
6) Vorlage cede. ^{^}
7) November 11.^{^}
8) Vorlage seventium. ^{^}
9) Hierauf mit anderer Tinte und in anderer Schrift.^{^}
10) Jh hierauf gestrichen.^{^}