Urkunde Nr. 4012 aus Band VII

Seite im UB:

23

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 354 - Abt. 13: K. A. Mediasch [Parohia Ev. CA Mediaş], Nr. 165 (alt Nr. 211).

Druckvorlage:

nach Einschaltung (Insert)

Abdruck als:

Volltext

Sprache:

Latein

---

4012

Olmütz 1474 August 10 König Matthias trägt den Zwei Stühlen auf, das Hattertgebiet von Furkeschdorf unter die Orte Mediasch und Meschen zu gleichen Teilen aufzuteilen.

Mathias dei gratia rex Hungariae, Bohemiae et cetera fidelibus nostris nobilibus et prudentibus viris Georgio Thabyasy¹⁾ de Etczel²⁾ ac iuratis senioribus duarum sedium Saxonicalium Saxonibus salutem et gratiam. Quamvis nos alias fideli nostro venerabili Dominico praeposito Albensi, tunc factori nostro in partibus regni nostri Transilvanis, mediantibus aliis literis nostris commiserimus, ut ipse possessionem nostram regalem Farkastelke vocatam habitatoribus ut dicitur destitutam aliis literis nostris mediantibus superinde emanatis civibus et incolis oppidi nostri Meggyes ac villae nostrae Musna congrua divisione partiretur ac eandem eisdem oppido Meggyes et villae Mußna utendam committeret. Tamen quia aliis nostris negotiis praepeditus mandatum nostrum in hac parte ipse Dominicus praepositus exequi non potuit. Idcirco ne tenutae et territoria dictae possessionis nostrae desolatae inculta iaceant. et penitus derelicta, sed potius dicto oppido Meggyes et villae Mußna ex cultu ipsarum terrarum aliqua proveniat utilitas et nos proventibus de ea possessione nostra provenire solitis non fraudemur. Mandamus fidelitati vestrae harum serie firmiter, quatenus statim visis praesentibus praefatam possessionem Farkasthelk³⁾ simulcum suis pertinentiis in duas rectas et aequales partes dividere et easdem quoad unam medietatem dicto opido Meggyes et quo ad aliam medietatem annotatae villae Musna⁴⁾ ac civibus et incolis in eisdem opido Meggyes et villae Musna⁴⁾ commorantibus pro terris usualibus dare et distribuere debeatis. Ita tamen quod ipsi cives et incolae dictorum opidi Meggyes et villae Musna⁴⁾ census et proventus qui de eadem possessione Farkasthelke³⁾ maiestati nostrae provenire annuatim soliti fuerunt, perpetuis semper succesivis temporibus maisetati nostrae plenarie persolvere teneantur. Datum in civitate nostra Olomocensi in festo beati Laurencii martiris, anno domini millesimo quadringentesimo septuagesimo quarto, regnorum nostrorum anno Hungariae et cetera decimo septimo, Bohemiae vero sexto.


1) Zweite Einschaltung Thabyassay. ^{^}
2) Zweite Einschaltung Aczel.^{^}
3) Zweite Einschaltung Farkastelke. [2x]^{^}
4) So Vorlage. [3x]^{^}