Urkunde Nr. 4020 aus Band VII

Seite im UB:

27-28

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 29 838.

Druckvorlage:

nach Original

Abdruck als:

Volltext

Sprache:

Latein

---

4020

Ofen 1474 Oktober 19 König Matthias ersucht das Weissenburger Kapitel, Paul Horwath de Zapolya in den Besitz von Schönau und Olahmezew einzuführen.

Mathias dei gratia rex Hungariae, Bohemiae et cetera fidelibus nostris capitulo ecclesiae Albensis Transsilvanae salutem et gratiam. Cum nos donationi et perpetuationi fidelis nostri magnifici quondam Nicolai Chwpor alias vaivodae nostri Transsilvani quam idem super portionibus possessionariis in possessionibus Zepmezew et Olahmezew in comitatu de Kykellew existentibus habitis mediantibus suis literis donationalibus egregio Paulo Horwath de Zapolya confectis¹⁾ fecisse perhibetur nostrum regium benivolum consensum pariter et assensum praebuerimus totumque et omnem ius nostrum regium si quod in ipsis portionibus possessionariis qualitercumque haberemus vigore aliarum literarum nostrarum eidem Paulo Horwath suisque heredibus utriusque sexus et posteritatibus universis dederimus et contulerimus velimusque eundem in dominium dictarum portionum possessionariorum et ipsius iuris nostri regii in eisdem habitis per nostrum et vestrum homines legittime facere introduci. Igitur fidelitati vestrae firmiter praecipientes mandamus, quatenus vestrum mittatis hominem pro testimonio fidedignum. Quo praesente magister Michael de Zelez, notarius cancellariae nostrae regiae, aut Stephanus de Komyathzeg, vel Ladislaus sive Valentinus seu Georgius de Hozywazo aliis absentibus, homo noster de curia nostra regia ad id specialiter transmissus ad facies praescriptarum possessionum Zepmezew et Olahmezew consequenterque ipsarum portionum possessionariorum in eisdem habitarum, vicinis et commetaneis earundem universis inibi legittime convocatis et praesentibus accedendo introducat memoratum Paulum Horwath in dominium earundem portionum possessionariorum et ipsius iuris nostri regii in eisdem habitis statuatque easdem et id simulcum cunctis suis utilitatibus et pertinentiis quibuslibet eundem praemisso iure sibi incumbente perpetuo possidendas si non fuerit contradictum. Contradictores vero si qui fuerint evocet eosdem contra annotatum Paulum Horwath nostram personalem in praesentiam ad terminum competentem rationem contradictionis eorum redditurum. Et post haec huiusmodi introductionis et statutionis seriem cum contradictorum et evocatorum si qui fuerint vicinorumque et commetaneorum qui praemissae statutioni intererunt nominibus terminoque assignato ut fuerit expediendum eidem nostrae [S. 28] personali praesentiae fideliter rescribatis. Datum Budae feria quarta proxima post festum beati Lucae evangelistae, anno domini millesimo quadringentesimo septuagesimo quarto, regnorum nostrorum anno Hungariae et cetera decimoseptimo, coronationis undecimo, Bohemiae vero sexto.

Auf der Rückseite Adresse: Fidelibus nostris capitulo ecclesiae Albensis Transsilvaniae pro egregio Paulo Horwath de Zapolya introductoria et statutoria.

Auf der Rückseite gleichzeitiger Kanzleivermerk: Executio facta est feria sexta proxima post festum purificationis beatae Mariae virginis proxime praeteritum. ²⁾ Homo regius Michael de Zelez notarius regius, noster vero Briccius de Zenthpol capellanus ecclesiae sancti Nicolai et cetera. Praesentibus ibidem³⁾ Michaele Ewz de Zanchal et Georgio de Hozywazo.


1) Über der Zeile.^{^}
2) Februar 4. von anderer Hand.^{^}
3) Die folgenden Namen weiter rechts, von anderer Hand.^{^}