Urkunde Nr. 4022 aus Band VII

Seite im UB:

28-30 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 355.

Druckvorlage:

nach Original

Abdruck als:

Volltext

Sprache:

Latein

---

4022

Stuhlweissenburg 1474 Die Vertreter des zu Stuhlweissenburg versammelten ungarischen Provinzialkapitels der Dominikaner bestätigen die von der Stadt Hermannstadt für die Verlegung des Dominikanerklosters zum hl. Kreuz innerhalb der Stadtmauern gestellten Bedingungen. [S. 28]

Nos¹⁾ fratres¹⁾ Johannes¹⁾ Episcopi¹⁾ sacrae theologiae professor provincialis per regnum Hungariae fratum ordinis praedicatorum, item Marcus sacrae theologiae lector, prior Albae regalis ac praedicator generalis, Michael de Kechkemeth dictae facultatis profesor, Paulinus eiusdem facultatis lector, prior Quinqueecclesiensis ac praedicator generalis nec non et Augustinus de Zagrabia sacrae theologiae lector, prior Zagrabiensis ac praedicator generalis diffinitores capituli provincialis provinciae Hungariae in Alba regali anno domini M^o CCCC^o LXXIIII^o celebrato dicti²⁾ ordinis praedicatorum providis ac circumspectis viris magistro civium, iudicibus, senioribus iuratisque civibus ac toti communitati civitatis Cibiniensis salutem in domino Jesu cum orationum suffragio devotarum. Quia conventus nostri ordinis ecclesiae sanctae Crucis extra muros civitatis vestrae fundatus esse dinoscitur, qui ob frequentes perfidorum Teucrorum incursus adeo manifestis patet periculis, quod nisi ad praesidia munitionum dictae civitatis intra muros transferatur, fratres in eodem constituti nunquam de sua vita existunt securi, ruinaque et devastatio, nedum ipsi monasterio sed et dictae civitati vestrae ex ipso monosterio vehementer formidatur. Cum itaque iuxta literatorium mandatum serenissimi principis et domini domini. Mathyae regis Hungariae et cetera domini nostri gratiosissimi vestrae circumspectae providentiae requisitae nostri ordinis in persona fuissent super eo, ut de mandato regio visis praesentibus intra praesidia murorum civitatis vestrae ipsum monasterium transferri deberet³⁾, vestrre tandem circumspectiones matura deliberatione praehabita sponte consensere, dummodo infrascriptos articulos fratres nostri in ipso monasterio canstruendo pro tempore existentes observare vellent. Quorum primus⁴⁾ talis est: Quod iura ab ecclesia Romana instituta et instituenda et apostolica indulta fratres in ipso monasterio transferendo pro tempore constituti teneant et observent. Secundus: Quod antiqua debita civitatis a legantibus pro testamento sine scitu dominorum ipsius civitatis civium non acceptent, et si ex consensu eorum acceptata fuerint et admissa per eosdem cives diiudicentur et extra eorum iudicium non deducantur, sed per eos bono fnei terminentur. Tertius: Quod terra sancti crucis extra muros civitatis cum omnibus aedificiis immobilibus ad manus et arbitrium dominorum consulum resignetur sive destruendo, sive sic dimittendo sew alios ad locum eundem ponendo, ut faciant et ordinent, singula ad placitum eorum. Quartus: Quod fratres in ipso monasterio construendo, qui pro tempore fuerint, vivant iuxta regulam suae professionis et sanctiones sanctorum patrum sui ordinis. Quintus: Quod concurrentibus pluralitatibus fratrum prior seu praelatus et maior pars fratrum sint Theutoni. Post quorum quidem articulorum propositionem et examinationem praevia matura deliberatione in nostro diffinitorio praehabita, dictos articulos acceptavimus, immo tenore praesentium acceptamus, per fratresque nostros omnes et singulos, qui dictum monasterium sicut praefertur transferendo futuris perpetuis temporibus incolaverint, censuimus observandos, mandantes eisdem in virtute [S. 29] spiritus sancti et sanctae obedientiae, quatenus iuxta nostram acceptationem eosdem articulos observare debeant et teneantur. In cuius rei testimonium firmitatemque perpetuam praesentes literas sigillis nostris pendentibus consignavimus in dicto capitulo nostro provinciali celebrato, anno domini M^o CCCC^o LXXIIII^o supradicto.

Auf der Rückseite von gleichzeitiger Hand: Articuli fratrum praedicatorum observandi et assumpti.


a) Erster Seitenumbruch nach Kopfregest.^{^}

1) In verlängerter Schrift. [4x]^{^}
2) Über der Zeile.^{^}
3) Auf Rasur.^{^}
4) Über der Zeile.^{^}