Urkunde Nr. 4032 aus Band VII

Seite im UB:

36-37

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 10: Stadt Schässburg [Primaria Municipiului Sighisioara].

Druckvorlage:

nach Original

Abdruck als:

Volltext

Sprache:

Latein

---

4032

Schässburg 1475 März 28 Der Rat von Schässburg spricht der dortigen Schusterzunft das von Stephanus Cultellifaber gekaufte Grundstück am Schaaserbach zu, wo die Zunft sich eine Mühle errichtet hat.

Nos Andreas Waal, magister civium, Michael Cremer, iudex regius, magister Michael alias iudex regius, Clemens Sartor, iudex terrestris, Lucas Pellifex, Petrus Pellifex villicus, Nicolaus Aurifaber, Franciscus Cerdo, Georgius Heninck, Simon Corrigiator, Nicolaus Lösch, Nicolaus Orthyl, Cristoforus Textor, Georgius Tharthlar, [cives iu]rati¹⁾ civitatis Segeswa- [S. 36] riensis, praesentium pagina [nostr]a²⁾ publice fatemur universorumque volumus praesentium et futurorum in notitiam devenire, quod nostri venientes in praesentiam providae³⁾ circumspectionum viri Petrus Nyze alias nostra civitatis iuratus civis, Martinus Kalamisch, Anthonius Blöm, Martinus Schencker, artis sutoriae magistri cechae secum adducentes providos Laurentium Molitorem similiter alias iuratum civem nostrum, Ladislaum Welther, Michaelem Tewsch nobis adhaerentibus nostrae civitatis commansores iidem sub puritate fidei religionis profitentes et recognoscentes, quod ante certorum annorum defluxum praelibata cecha artis sutoriae a quodam provido Stephano Cultellifabro nostrae civitatis concive duos incultorum agrorum partes wulgo appellantur Heem pro octingentis denariis monetae serenissimi quondam⁴⁾ principis regis Sigismundi et cetera emtionis titulo⁵⁾ comparasset et emisset, fluvius vero quidem per medium incultorum agrorum partium de regali possessione Sches decurrente. In quo decursu eiusdem fuvii pro huiusmodi artificii usum molendinum erexisset et aedi ficasset, in quibus agris dictis cespites rubeta salices a magistris dictis cechae sutoriae ratione conservationis et reformationis aggeris molendini plantantur, supplicantes nobis humili precum instantia, ut ipsius emptionis contractum in forma privilegiali nostri autentici sigilli fuerint dignaremur roborare. Nos enim certitudine vertitatis edocti et non aliud gratia ratione consonum petere et affectare. Ad quorum petitiones nobis ut praemittitur relatae matura deliberatione considerantes absque dampno et praeiudicio reipublicae fore non immerito inclinati, eundem locum erecti molendini praenarratis magistris artis sutoriae construendo fortificando favorose duximus et benevole⁶⁾ consentire damus, donavimus perpetue⁴⁾ et conferimus praesentium per vigorem. Nihilominus praetactis magistris sutoribus incultos agros pretio emptos suorum³⁾ haered/ibu/s⁷⁾ et posteritatibus haeredumque legittimis successoribus adiudicamus immo⁸⁾ per praesentes adiudicamus irrevocabiliter possidendum, tenendum pariter et habendum, in usus per ipsos convertendum praesentes nostras literas minoris nostrae civitatis sigilli autentici roboratas et confirmatas praefatis atque suis posteris eiusdem cechae magistris suorum iurium pro conservatione duximus favorabiliter concedendum. Datum feria tertia proxima infra octavas Paschae, anno domini millesimo quadringentesimo septuagesimo quinto.

Am unteren Rande der Urkunde, unter der Plica, in Schrift des 17. Jahrhunderts: Ein Sentens Brieff über dass Erbtheill kegen Schass zu wiessen.


1) Lücke 12 mm.^{^}
2) Lücke 3 mm.^{^}
3) So Vorlage. [2x]^{^}
4) Rechts ausserhalb des Textrandes mit dunklerer Tinte nachgetragen. [2x]^{^}
5) Vorlage: tytulo.^{^}
6) Vorlage: benivole.^{^}
7) Lücke 4 mm.^{^}
8) Vorlage: ymmo.^{^}