Urkunde Nr. 4052 aus Band VII

Seite im UB:

50-51

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 62.

Druckvorlage:

nach Original

Abdruck als:

Volltext

Sprache:

Latein

---

4052

Ofen 1475 Juni 6 Der siebenbürgische Bischof Gabriel verleiht der Marienkirche in Kronstadt einen Ablass von 100 Tagen.

Gabriel¹⁾ dei gratia episcopus Albensis Transsiluanae, apostolicae sedis cum plenitudine potestatis legati de latere in regnis Hungariae et Bohemiae ac omnibus terris et locis temporali domino serenissimi domini regis Hungariae et cetera subiectis legatus et cetera salutem in domino sempiternam. Splendor [S. 51] paternae gloriae, qui sua mundum ineffabili illuminat claritate pia vota fidelium de ipsius clementissima maiestate sperantium tunc praecipue benigno favore prosequitur. Cum devota ipsorum humilitas piis sanctorum precibus et meritis adiuvatur, cupientes igitur ut ecclesia beatae Mariae virginis in civitate Braschouiensi, Strigoniensis dioecesis, congruis frequentetur honoribus et a Christi²⁾ fidelibus iugiter veneretur necnon libris, calicibus luminaribus et aliis ornamentis ecclesiasticis decenter muniatur, utque Christi²⁾ fideles eo libentius devotionis causa confluant ad eandern et ad munitionem huiusmodi manus promptius porrigant adiutrices. Quo ex hoc ibidem dono coelestis gratiae uberius conspexerunt se refectos universis et singulis Christi²⁾ fidelibus vere poenitentibus et confessis, qui ecclesiam praedictam in festivitate visitationis beatae virginis Mariae et duobus praecedentibus, et aliis duobus festivitatibus sequentibus, devote visitaverint annuatim, et ad praedicta manus porrexerint pro singulis diebus festivitatuum earundem³⁾ quibus id fecerint de omnipotentis dei misericordia et beatorum Petri et Pauli apostolorum eius auctoritate confisi, nos Gabriel episcopus et legatus praefatus centum dies de iniunctis eis poenitentiis misericorditer in domino relaxamus, praesentibus perpetuis futuris temporibus duraturis. In quorum omnium fidem et testimonium praemissorum literas nostras huiusmodi fieri nostrique sigilli iussimus et fecimus appensione communiri. Datum Budae, Vesprimiensis dioecesis, die sexta mensis Junii, anno domini millesimo quadrigentesimo septuagesimo quinto, pontificatus sanctissimi in Christi²⁾ patris et domini nostri Sixti divina providentia papae quarti anno quarto.

Unter der Plica: Andreas Gemaynner⁴⁾ notarius scripsit.

Auf der Rückseite: R[egestra]ta.


1) Vergrösserte Schrift.^{^}
2) Vorlage: XPi. [3x]^{^}
3) Vorlage: erarundem. ^{^}
4) Oder: Bemaynuer. ^{^}