Urkunde Nr. 4055 aus Band VII
- Seite im UB:
- 53
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Heutige Signatur:
- Urkundensammlung [Colecţia de documente medievale], Serie U. II (Inventar 25 ), Nr. 357.
- Druckvorlage:
- nach Original
- Abdruck als:
- Volltext
- Sprache:
- Latein
4055
Ofen 1475 Juni 9 König Matthias trägt seinen siebenbürgischen Steuereinnehmern besonders in den Gespanschaften Weissenburg und Kokelburg auf, die Sachsen der Sieben und zwei Stühle, von Kronstadt, dem Burzenland und Bistritz, die schon 10 000 Goldgulden abgeführt haben, von der diesjährigen Steuer auszunehmen. Orig. Pap. Arh. St. Sibiu U II 357. Siegel, rund, Dm. 55 mm, in rotes Wachs, papierbedeckt, vorne aufgedrückt. Derselbe Stempel wie Nr. 3 879, wo das 4. Wappen als Rabe und nicht als Löwe zu identifizieren ist.
Druck: Teleki, Hunyadiak kora (
») 11, 539 Nr. 572 zu Juni 10.
Regest: Kemény, Notitia (
») 1,185.
Mathias dei gratia rex Hungariae, Bohemiae et cetera fidelibus nostris egregiis dicatoribus et exactoribus praesentis contributionis unius floreni auri in partibus regni nostri Transsilvanis praesertim in Albensi et de Kykelew comitatibus constitutis vel constituendis salutem et gratiam. Quia nos percepta inopia et paupertate fidelium nostrorum universorum Saxonum in septem et duabus sedibus Saxonicalibus necnon Brassoviensi et in terra Barcza ac Bistriciensi civitatibus earundemque pertinentiis commorantium et existentium eisdem id annuimus et concessimus, ut ipsi pro praesenti contributione de medio scilicet eorum maiestati nostrae proveniendo decem millia florenorum auri nobis ad praesens solvere debeant ipsos et pertinentias ipsorum universas a dicatione et connumeratione vestra penitus supportatos et exoneratos habere volentes. Fidelitati vestrae harum serie firmissime committimus et mandamus quatenus praefatos Saxones nostros in dictis septem et duabus sedibus ac Brassoviensi et in terra Barcza nec non Bistriciensi comitatibus villisque et possessionibus abbatiorum de Kercz et Egres ac praepositurae Cibiniensis et ecclesiae Brassoviensis residentibus et commorantibus in ipsam praesentem contributionem in medium aliorum plebicolarum dictarum partium regni nostri Transsilvanarum dicare et connumerare, vosque in medio eorum ad dictionem aliquam ingerere aut quovismodo intromittere nullatenus praesumatis, nec sitis ausi modo aliquali. Sed dicationem ipsam in medio scilicet eorum fieri debendam solismet ipsis connumerando relinquatis. Nam vobis aliter facientes praesentibus strictissime committimus fidelibus nostris vaivodae vel vicevaivodis nostris Transsilvanis, ut ipsi dictos Saxones nostros contra vos in praemissis omnibus modis protegere et defendere debeant et teneantur, auctoritate nostra praesentibus ipsis in hac parte attributa mediante. Praesentibus perlectis exhibenti restitutis. Datum Budae feria sexta proxima ante festum beati Barnabae apostoli, anno domini millesimo quadringentesimo septuagesimo quinto regnorum nostrorum anno Hungariae et cetera decimo octavo, Bohemiae vero septimo.
Von der Kanzlei: Ad relationem domini thezaurarii.