Urkunde Nr. 4057 aus Band VII

Seite im UB:

54

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Zunfturkunden [Documente de breaslă] (Inv. 32), Serie Z. U. II, Nr. 783 - Heltauer Sichelschmiede [Cisnadie Breasla faurarilor de seceri] Nr. 1.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

4057

Hermannstadt 1475 Juli 5 Die Sieben Stühle verbieten, auswärts gefertigte Sicheln auf den Märkten ihres Gebietes zu verkaufen.

Nos magistri civium iudices et iurati seniores civitatis Cibiniensis et septem edium S<axonicalium partium Transsilvanarum>¹⁾ nobilibus et circumspectis viris iudicibus, villicis et iuratis senioribus civitatum, opidorum et villarum ceterisque²⁾ cuiusvis status et conditionis hominibus intra ambitum septem sedium praedictarum residentibus et commorantibus salutem cum favore. Noveritis quod²⁾ semper et ab antiquo iuxta laudabilem consuetudinem et libertates nostras mos fuit et est ut nullus penitus hominum de quocumque etiam loco, sed tantum modo nostrae mechanici artis falces fabrilis et ceteri inhabitatores praedictarum sedium falces venales nisi huiusmodi labores in medio nostri fabricati forent tempore suo ad loca communia videlicet fora ebdomadalia et nundinas vestri in medium et harum partium Transsilvanarum loca vendendo adducere consueverunt. Unde nos universos artis praefatae magistros necnon alios inhabitatores de quacumque septem sedium fuerint in hiis libertatibus et consuetudinibus prout ex debiti nostri oficii tenemur observare volentes, requirimus vestras amicitias nichilominusque eisdem firmiter committimus et mandamus, ut dum et quandocumque falces non in nostri medio fabricati apud quoscumque etiam incolas et inhabitatores quarumcumque etiam partium in locis communibus seu foris vestris ebdomadalibus aut nundinis per vos inventae extiterint, ex tunc huiusmodi falces iure et iudicio arestare et occupare arestatasque et occupatas tamdiu³⁾ manutenere tandemque citissime occupationem et arestationem sic factis nobis insinuare debeatis et teneamini, demum a nobis informationem accepturi quid in praemissis facere debeatis. Secus non facturi. Praesentibus perlectis exhibenti restitutis. Datum Cibinii feria quarta proxima post visitationis virginis Mariae, anno domini millesimo et cetera LXX^mo quinto. [S. 55]


1) Durch Wassereinwirkung 60 mm verblaßt und unleserlich.^{^}
2) Unleserlich 15 mm. [2x]^{^}
3) Vorlage tamdiw. ^{^}