Urkunde Nr. 4063 aus Band VII

Seite im UB:

57-58

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 707.

Druckvorlage:

nach Original

Abdruck als:

Volltext

Sprache:

Latein

---

4063

Ofen 1475 August 18 König Matthias trägt seinen Salzkammergrafen auf, die Einkünfte der Weisskircher Salzkammer der Stadt Bistritz zur Verfügung zu stellen.

Mathias dei gratia rex Hungariae, Bohemiae et cetera fidelibus nostris egregiis Stephano de Zbwgya et Michaeli de Hangach, camerariis salium nostrorum regalium et cetera salutem et gratiam. Querelam pro parte fidelium nostrorum circumspectorum magistri civium iuratorumque et ceterorum civium et hospitum civitatis nostrae Bistriciensis coram nobis in eo depositum gravi admodum animo accepimus, quodlicet nos universos proventus camerae nostrae filialis in opido nostro Feyereghaz vocato in pertinentiis dictae civitatis nostrae Bistriciensis habitae mediante aliis literis nostris eisdem superinde datis infra decem annorum spatium ad reformationem et structuram eiusdem civitatis nostrae Bistriciensis deputaverimus vobisque in eo mandaverimus, ut huiusmodi proventus et reditus ipsius camerae eisdem libere et absque contradictione percipere permitteretis. Tamen vos non curatis huiusmodi mandatis nostris eisdem civibus cedere et dictos proventus ipsius camerae percipere non permitteretis. Et quia nos ita omnino volumus, ut iidem cives proventus et redditus dictae camerae pro praefata aedificatione et structura dictae civitatis nostrae percipere possint. Ideo fidelitati vestrae harum serie firmiter praecipientes mandamus aliud omnino habere nolentes, quatenus receptis praesentibus ampliori mandato nostro superinde minime expectato eisdem civibus et hospitibus dictae civitatis nostrae universos proventus et fructus ipsius camerae nostrae cedere ipsisque iuxta continentias quorum literarum nostrarum desuper confectarum libere et absque ulla contradictione percipi permittere et permitti facere debeatis. Alioquin commisimus et serie praesentium strictius committimus fideli nostro magnifico Johanni Pangracz de Dengelegh, vaivodae illarum partium Transilvanarum regni nostri, ut ipse vos ad praemissa facienda et observanda per omnia remedia astringere debeat, auctoritate nostra praesentibus sibi in hac parte attributa mediante. Secus igitur non [S. 58] facturi, praesentibus perlectis exhibenti restitutis. Datum Budae feria sexta proxima post festum assumptionis beatae Mariae virginis, anno domini millesimo quadringentesimo septuagesimo quinto, regnorum nostrorum anno Hungariae et cetera decimo octavo, Bohemiae vero septimo.

Von der Kanzlei: Relatio M. Petri de Wa.