Urkunde Nr. 4065 aus Band VII

Seite im UB:

58-59

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

4065

Ofen 1475 September 13 Gabriel, Bischof von Weissenburg, trägt Thomas dem Generalvikar seiner Kirche auf, den Streit zwischen den Pfarrern von Heltau und Michelsberg um den Zehnten der Kapelle auf dem Michelsberg zu entscheiden.

Gabriel dei gratia episcopus ecclesiae Albensis Transsilvanae apostolicae sedis cum plena potestate legati de latere in regnis Hungariae et Bohemiae ac omnibus terris et locis temporali dominio serenissimi domini Mathiae Hungariae et cetera regis subiectis legatus venerabili et egregio decretorum doctori domino Thomae curiae episcopalis ecclesiae nostrae Albensis in spiritualibus vicario generali salutem in domino. Noveritis quod pridem venerabilis et egregius Matheus canonicus et cantor praedictae ecclesiae nostrae Albensis dilectos in Christo honorabilem plebanum de villa montis sancti Michaelis, Blasium Knoff, Valentinum Hirnick, Steffanum Budner, Johannem Hoes, Georgium Bewer, Sigismundum plebanum de Wizackna, decanum Cibiniensem et Andream capellanum ibidem de et super decimis ad ipsum Matheum ratione capellae suae sancti Michaelis filialis ecclesiae de Hellta eiusdem nostrae diocesis et [ ]¹⁾ pertinentibus coram nosbis [S. 59] traxit in causam in qua ad nonnullos actus per nos exstitit processum. Et quia consideravimus distantiam loci et quod partes ad nos propter viarum discrimina commodo venire non possent volensque parcere laboribus et expensis praedictarum partium et ex aliis rationibus animum nostrum moventibus eandem inter partes praedictas metam causam in vestram praesentiam per nos iudicandam ac partibus ipsis iudicium fiendum et iustitiam ministrandam duximus in eo statu in quo coram nobis indecisa pendebat remittendam et remittimus per praesentes ipsasque ab instantia nostri iudicii et observatione terminorum absolvendam. Quare vobis auctoritate legationis nostrae tenore praesentium committimus, quatenus vocatis qui fuerint evocandi, auditisque hincinde propositis inter dictas partes quod canonicum fuerit decernetis faciendas, quod decreveritis per censuram ecclesiasticam et alia iuris remedia appellatione postposita firmiter observari. Testes vero qui nominati fuerint et se gratia odio, favore aut amore subtraxerint simili censura cogatis testimonium veritati prohibere. Datum Budae, Vesprimiensis diocesis, die tredecima mensis Septembris, anno domini millesimo quadringentesimo septuagesimo quinto, pontificatus sanctissimi in Christo patris et domini nostri domini Sixti divina providentia papae quarti anno quinto.

Kanzleivermerk: A. de Cialfis.

Auf der Rückseite von der Kanzlei: Registrata.


1) Etwa fünf Buchstaben unleserlich.^{^}