Urkunde Nr. 192 aus Band I

Seite im UB:

136-137

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 73628 - Familienarchiv Teleki (Családi levéltárak, Teleki család, marosvásárhelyi) Nr. 11.

Druckvorlage:

nach Original

Abdruck als:

Volltext

Sprache:

Latein

---

192

Ofen 1279 Mai 11 König Ladislaus IV. bestätigt den Verkauf der Besitzung Kentelke seitens des Bans Laurentius an Comes Hench, Sohn Brendelins von Rodna.

Nos Ladislaus dei gratia rex Hungariae memoriae commendamus significantes quibus expedit tenore praesentium universis, quod Laurencius banus de Zeurino filius quondam Laurencii vaivodae dilectus et fidelis noster ad nostram accedens praesentiam a nobis petivit humiliter supplicando, quod quandam possessionem suam Kendteluk vocatam, olim ad comitatum de Dobaka pertinentem, quam idem Laurencius vaivoda pater eius a serenissimo principe domino Bela felicis recordationis rege avo nostro carissimo acquisiverat, comiti Hench filio Brendulini de Rodna, rectori castri Budensis, propinquiori suo videlicet commetaneo vendendi facultatem liberam praeberemus, et licet successivis temporum mutationibus praedicta possessio Kendteluk vocata ad diversas manus fuisset devoluta. Tamen quia eandem possessionem per praefatum Laurencium vaivodam pro magnis et fidelibus suis obsequiis fuisse comperimus acquisitam, nec debebat collatio sibi facta de eadem aliqualiter rectractari, nos qui ex officio suscepti regiminis debemus librare merita negotiorum et iuste petentium votis acquiescere, petitionera ipsius Laurencii bani in hac parte duximus admittendam, praesertim quia idem in pacifica possessione villae seu possessionis memoratae constitutus fnerat illa vice. Qui obtenta a nobis licentia huiusmodi coram nobis personaliter comparendo, saepe dictam possessionem Kendteluk vocatam confessus est, se praefato comiti Henc pro centum et quinquaginta marcis finiti¹⁾ argenti vendidisse et ipsam pecuniam ab eodem plenarie recepisse. [S. 137] Cui quidem emptioni et venditioni nos de beneplacito omnium baronum nostrorum ad instantiam partium consensum praebuimus regium et assensum, volentes quod ipsam possessionem Kendteluk idem comes Hench et per eum sui heredes heredumque suorum in posterum successores in metis prioribus et antiquis, quibus eadem fuerat limitata, cum eins utilitatibus et pertinentiis universis absque inquietatione cuiuslibet perpetuo possidere valeant et habere, omnibus privilegiis, instrumentis, literis et munimentis aliis, si quae forsitan processu temporum per eos, ad quos eadem possessio in temporum mutationibus ut praemittitur devenerat, vel per quosdam alios possent in iudicio vel extra contra eundem comitem Hench exhiberi, cassatis penitus et in irritum revocatis et tantum praesentibus valituris. Datum Budae, in festo ascensionis domini, anno domini M^o. CC^o. LXX^o. nono.


1) So in der Vorlage. ^{^}