Urkunde Nr. 4075 aus Band VII

Seite im UB:

64

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 27 699.

Druckvorlage:

nach Original

Abdruck als:

Volltext

Sprache:

Latein

---

4075

1475 Oktober 26 Der Konvent von Kolozsmonostor bezeugt die in dem Mühlenstreit an der großen Kokel zwischen Georg und Ladislaus Thabyasy von Hetzeldorf einer- und Peter von Schmiegen andererseits gefällte Entscheidung.

Nos conventus monasterii beatae Mariae virginis de Colosmonostra memoriae commendamus tenore praesentium significantes quibus expedit universis, quod cum nos honore quo decuit receptis litteris viri magnifici domini Johannis Pangracz vaivodae Transsilvani et Siculorum comitis et cetera adiudicatoriis pariter et sententionalibus modum et formam iudiciarii deliberationis in se exprimentibus pro parte Georgii Thabyasy et Ladislai filii eiusdem emanatis nobisque loquentibus iuxta earundem continentiam amicabilibus petitionibus dicti domini vaivodae annuentes ut tenemur unacum Johanne de Balasthelke homine vaivodali nostrum hominem videlicet religiosum virum fratrem Johannem sacerdotem unum exnobis ad dictam commissionem iudiciariam dicti domini vaivodae exequendam nostro pro testimonio fidedignum duximus destinandum. Qui tandem exinde ad nos reversi nobis concorditer retulerunt isto modo: Quod ipsi feria secunda proxima ante festum beatorum Symonis et Judae apostolorum proxime praeterito¹⁾ ad facies possessionis Almas vocatae consequenterque dictorum duorum locorum molendinorum intra metas eiusdem possessionis Almas existentium vicinis et commetaneis suis convocatis dictis etiam ambabus partibus praesentibus accessissent et dum praedicta duo loca molendinorum per fortem secundum praemissam iudiciariam commissionem vaivodalem ipsis partibus relinquere voluissent, mox praefatus Georgius Thabyasy de praefata Eczel et Ladislaus filius eiusdem personaliter ab una ac Blasius de Somogyon in persona Petri de eadem Somogyon patris scilicet sui astantes taliter inter se eadem loca molendina divisisse recitassent, quod antiquum locum molendini in fluvio de Kykellew in territorio dictae possessionis Almas habitum praetextu cuius litis materia inter partes suscitata extitisset praenotato²⁾ iamfato Petro de Somogyon cessisset aut eodem Petro in ipso antiquo loco molendium aedificare refutando, idem subtus eiusdem antiqui loci molendini unum molendinum ubicumque voluerit appromptuari facere possit per ipsum et suos successores perpetuo possidendum; e converso praefati Georgius et Ladislaus filius eiusdem desuper dicti antiqui loci molendini modo simili unum locum molendini pro se eligendi et ubicumque voluerint et competentius ipsis videretur deputandi ibique molendinum edificandi et laborandi per ipsos ac eorum posteritates similiter perpetuo tenendi utendique liberam plenam atque omnimodam haberent facultatem, ita tamen ut ipsa duo molendina per partes in spatio³⁾ congruenti habeat et sita ne sibi invicem per aquarum inundationes et detentiones provideatur uniquoque. In cuius rei memoriam firmitatemque perpetuam praesentes litteras nostras privilegiales pendentis et autentici sigilli nostri munimine roboratas duximus concedendum. Datum quarto die diei executionis praenotatae anno domini millesimo quadringentesimo septuagesimo quinto. [S. 65]


1) Oktober 23.^{^}
2) Vorlage praenotata.^{^}
3) Vorlage spantio.^{^}