Urkunde Nr. 4080 aus Band VII
- Seite im UB:
- 69-70
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Heutige Signatur:
- Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 1104 - Abt. 30: K. A. Hundertbücheln [Parohia Ev. CA Movile], Nr. 1.
- Druckvorlage:
- nach Original
- Abdruck als:
- Volltext
- Sprache:
- Latein
4080
Rom 1475 Dezember 14 Die Kardinale Angelus, Bartholomäus u.a. gewähren den Besuchern der Michaelskirche in Hundertbücheln einen Ablaß. Orig. Perg. Arh. St. Sibiu, K.A. Hundertbücheln Nr. 1. Neun Siegel waren angehängt.
Angelus episcopus Penestrinensis, Bartholomeus tituli sancti Clementis, Iacobus tituli sancti Chrisogoni, Baptista tituli sanctae Anastasiae, Stephanus tituli sancti Adriani, Ausias tituli sancti Vitalis presbyteri, Franciscus sanctae Mariaenovae, Theodorus sancti Theodori diaconi miseratione divina sacrosanctae Romanae ecclesiae cardinales universis et singulis Christi fidelibus praesentes literas inspecturis, visuris pariter et audituris salutem in domino sempiternam. Quanto frequentius fidelium mentes ad opera devotionis inducimus, tanto salubrius eorum animarum saluti providemus. Cupientes igitur, ut parochialis ecclesia sancti Michaelis archangeli in Centumcumulis, Transilvanae diocesis, ad quam dilectus nobis in Christo Nicolaus presbyter ac ipsius ecclesiae plebanus specialem gerit devotionem, congruis frequentetur honoribus et a Christi fidelibus iugiter veneretur ac in suis structuris et aedificiis debile reparetur, conservetur et manuteneatur, utque Christi fideles ipsi eo libentius devotionis causa confluans ad illam quo et hoc ibidem domo coelestis gratiae uberius conspexerunt se refectos de omnipotentis dei misericordia ac beatorum Petri et Pauli apostolorum eius auctoritete confisi, omnibus et singulis utriusque sexus Christi fidelibus vere poenitentibus et confessis, qui dictam ecclesiam in sancti Michaelis archangeli, nativitatis et ressurectionis domini nostri Ieshu Christi, Penthecostes et ipsius ecclesiae dedicationis festivitatibus et diebus a primis vesperis usque ad secundam vesperam inclusive devote visitaverint annuatim et ad reparationem conservationemque aedificiorum, calicum, librorum, luminarium aliorumque ornamentorum inibi pro divino cultu [S. 70] necessariorum manus porrexerint adiutrices, nos cardinales praefati et quilibet nostrum per se pro singulis festivitatibus et diebus praefatis quibus id fecerint, centum dies de iniunctis eis poenitentiis misericorditer in domino relaxamus. Praesentibus perpetuis futuris temporibus duraturis. In quorum testimonium praesentaes literas fieri nostrorumque sigillorum consuetorum iussimus et fecimus appensione communiri. Datum Romae in domibus nostris, anno domini millesimo quadringentesimo septuagesimo quinto, die quartadecima mensis Decembris, pontificatus sanctissimi domini nostri domini Sixti divina providentia papae quarti anno quinto.