Urkunde Nr. 4081 aus Band VII

Seite im UB:

70-71

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 128 a.

Druckvorlage:

nach Abschrift

Abdruck als:

Volltext

Sprache:

Latein

---

4081

Bistritz 1475 Dezember 20 Richter und Rat von Bistritz bezeugen, daß der Pleban Laurencius von Weißkirch und die Bistritzer Familie Kretzmer als Patrone dem Dreifaltigkeitsaltar der Nikolauskirche ein Viertel der Mühle in der Ungargasse vermacht haben.

Nos Georgius Ayven, iudex, ceterique consules et iurati cives civitatis Bistriciensis memoriae commendamus tenore praesentium significantes quibus expedit universis, quod nostri personaliter accedentes praesentiam honorabilis vir dominus Laurentius de Alba Ecclesia nec non magni altaris sanctae trinitatis in ecclesia parochiali beati Nicolai pontificis et confessoris fundati, item providus Martinus Kretzsmer cognominatus in persona sui ac virtuosae dominae Sophiae coniugis suae et Melchior quondam providi viri Jacobi Kretsmer alias iudicis et consulis Bistriciensis natorum, patronorum videlicet memorati altaris idem dominus Laurentius et Martinus nobis declarabant; quando olim temporum ipse dominus Laurentius et honesta domina Elisabetha, relicta quondam dicti Jacobi Kretsmer, quartam molendini, quod situm est in platea Hungaricali supra ripam vulgo Bistritz vocatam in vico, qui tendit ad meridiem versus claustrum sanctae crucis, ab honesto viro Andrea Leychnam legitime emissent pro florenis auri sexaginta quatuor, in quaquidem quarta molendini ipse dominus Laurentius florenos auri viginti quatuor, Elisabetha quadraginta de propriis bonis solvissent, appropiiantes dictam molendini quartam piis consensibus atque per modum et viam testationis et ultimae voluntatis ad dictum altare sanctae trinitatis perpetuo et irrevocabiliter iure pertinere affectantur, ut futuri vectores eiusdem altaris expedicatius salubriusque ex proventibus prioris octavae partis molendini, deinde et de quarta praescripti accidentia de cunctis emolumentis sustentari possint. Postulantes iidem dominus Laurencius et Martinus nomine et personis quibus supra, quatenus praetactam quartam molendini testamento ubi praemittitur dedictam ipsi sanctae trinitatis altari inscribere dignaremur, ne inter posteritates eorum quacumque veritate controversiae et materia oriretur. Et quia verum omnium acta nisi liberali munimento fulciantur, facile ex memoria hominum labentur, cupientes plurimum, ut divini cultus beneficium auctum iri queat. Idcirco postulatione memoratorum domini Laurencii et Martini Kretzsmer et quorum interesse possit benigniter annuimus, quartale saepetacti molendini pro voto per praedictas persones ad pios usus deputatum atque testatum, memorato altari sanctae trinitatis et vectoribus suis, praesentibus et futuris, inscribere decrevimus rogati et requisiti. In cuius robur firmitatemque per- [S. 71] petuam praesentes sigillo civitatis nostrae maiori et authentico subappenso obsignare fecimus. Datum Bistriciae feria quarta in vigilia beati Thomae apostoli, anno domini millesimo quadringentesimo septuagesimo quinto.


a) UB: Einfache Abschrift, Papier.^{^}