Urkunde Nr. 4093 aus Band VII

Seite im UB:

78

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Sammlung Brukenthal [Colecţia Brukenthal] (Inventar 80-125), Z 1-7, fol. 21-22.

Druckvorlage:

nach Abschrift

Abdruck als:

Volltext

Sprache:

Latein

---

4093

Schässburg 1476 Februar 8 Der Schässburger Rat bezeugt, dass Michael und Thomas Greb von Radeln zwei Wiesenhälften der Gemeinde Meeburg verkauft haben.

Nos Michael artium baccalaurius magister civium, Michael Cremer regius, Clemens Sartor terrestris iudices ceterique universi cives civitatis Segesvariensis praesentium tenore, memoriae commendantes universis et singulis, quibus praesentes paginae nostrae patebunt, quod venientes nostri in praesentiam agilis vir Michael Greb de Radinthal in sua ac singulorum haeredum personis necnon providae circumspectionis viri Michael Gremmer villicus, Georgius Thoscha, Jacobus Duffner, Michael Cloy, Thomas Berthliff, Jacobus Molitor iurati seniores suis ac omnium singulorum hospitum Meburg personis. Asserens coram nobis idem Michael Greb de Radintal libera et spontanea voluntate quomodo ipse cuiusdam terrae spatii seu prati, situati inter territoria villarum Erked, Radintal et Meburg sub certis metis et limitationibus idiomate vulgari infra expressatis Thomae Greb, filio quondam Nicolai de eadem Radindal, pro tunc in Hungaria existente, mediam partem ad ipsum Michaelem et suos haeredes pertinentem, incolis villae Meburg et hospitibus pro florenis auri viginti, vero et legitimo vendicionis titulo vendidisset et arundasset. Postea vero post reditum antefati Thomae Greb de Hungaria, idem Thomas Greb, una cum Michaele Greff de Radindal, insimul cum quibusdam villico Anthonio Berthliff, Jacobo Duffner, Georgio Thoscha, Michaele Grenner, Michaele Mülner, Martino Grithae, Johanne Thott, Petro Cloy et Petro Ruffo iuratis senioribus de Meburg nostri venientes in praesentiam, secundam partem supratacti terrae spatii, ad ipsum Thomam Greb de Radindal iure haereditario concernentem, eisdem hospitibus et incolis Meburg pro florenis auri decem et octo vendidit et non minus quam¹⁾ ut supra declaratum extitit, eisdem inhabitatoribus de Meburg apropriavit, quod terrae spatium seu pratum meta territoriorum Erked bey den Reysern, Radindal Haynischburg, Meburg Fuchßlöcher attingere videtur, quibus florenis ut profertur pro ambabus partibus prati, eisdem Michaeli et Thomae de Radindal per hospites Meburg, coram nobis plene persolutis, ponerunt¹⁾, ut debebant, idem Michael et Thomas, ipsos incolas et suos successores in pacifico dominio (euiplene)¹⁾ sub propriis expensis, contra omnes impugnatores velle tueri et deffensare. Harum nostrarum literalium sigillo nostro maiori authentico sub impensionibus¹⁾ consignatarum vigore et testimonio mediante. Datum in Segesvar feria quinta proxima post festum beatae Dorotheae virginis et martiris, anno domini millesimo quadringentesimo septuagesimo sexto.


1) So Vorlage. [4x]^{^}