Urkunde Nr. 4109 aus Band VII

Seite im UB:

88-89

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 42.

Druckvorlage:

nach Abschrift

Abdruck als:

Volltext

Sprache:

Latein

---

4109

Ofen 1476 April 21 König Matthias trägt den Stadträten von Hermannstadt und Kronstadt auf, dem Magister Michael de Baroth die Verwaltung der Zolleinkünfte zu übergeben.

Mathias dei gratia rex Hungariae, Bohemiae et cetera. Prudentibus et circumspectis magistris civium iuratisque et ceteris civibus ac communitati civitatum nostrarum Cibiniensis et Brassouiensis, salutem et gratiam. Quia nos illa vectigalia nostra, quae vos a maiestate nostra hactenus conducta tenuistis, iam tandem per proprium nostrum factorem teneri et exigi decrevimus, ad quae eccopanda fidelem nostrum nobilem magistrum Michaelem de Baroth deputavimus commisimusque eidem ut ipse vobiscum rationem facere debeat et secundum ratem temporis de summa illa pro qua conduxerat debitam relaxationem faciat, cum quo, si super ratione ipsa et relaxatione facienda concordare non poteritis, ex tunc ad fidelem nostrum Georgium Quinqueecclesiensem thesaurarium nostrum mittatis, qui¹⁾ super re ipsa vobiscum concordabit et in summa ipsa ut praefertur iuxta ratam temporis debitam faciet relaxationem. Mandamus igitur vobis firmiter, quatenus receptis praesentibus ipsa vectigalia praefato magistro Michaeli homini nostro libere occupare, proventusque eorundem deinceps ipsi homini nostro absque ulla contradictione exigere et recipere permittatis. Secus gratiae nostrae sub obtentu non facturis, praesentibus perlectis exhibenti restitutis. Datum [S. 89] Budae in dominica Quasimodo et cetera, anno domini millesimo quadringentesimo septuagesimo sexto, regnorum nostrorum anno Hungariae et cetera decimo nono, Bohemiae vero septimo. Relatio Georgii praepositi thesaurarii.


1) Vorlage que. ^{^}