Urkunde Nr. 4114 aus Band VII

Seite im UB:

91

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 45 648.

Druckvorlage:

nach Original

Abdruck als:

Volltext

Sprache:

Latein

---

4114

Tartlau 1476 Mai 28 Der Richter und die Geschworenen von Tartlau verwenden sich bei dem siebenbürgischen Woiwoden Johannes Pongracz für einen vom Burggrafen Emmerich Solomy eingekerkerten Jobagyen.

Magnifice vir domine noster gratiose. Refert nobis agilis Martinus Beldy de Bodola, quomodo quidam ex iobagionibus suis Petrus nomine certo tempore quandam vaccam iuventulam rectae emptionis titulo emisset a familiari castellani vestrae magnificentiae videlicet Emerico Solomy et nescitur quo colore, idem Emericus eundem Petrum inquietat inculpando de nota furti eiusdem. Unde pro ipso Petro per eundem Emericum taliter inculpatum vestrae magnificentiae ad fidem nostram deo debitam profitemur, quod nunquam ab ipso tale opus audivimus, quod praeiudicaret suo honori sed semper honorifico modo se nutrivit in medio nostri enim octo annis moram contraxit. Rogamus igitur humiliter vestram eandem magnificentiam, ut gratiose iuxta normam iustitiae ex parte dei omnipotentis agere velitis, ne idem pauper cum suis minus debite agravetur, nam et idem homo benedicens almasiam in emptione ipsius vaccae publice confessus est, quod recte emisset eandem vaccam pro viginti quatuor asperis. Conservare demum dignetur deus gloriosus vestram magnificentiam in cunctis prosperis. Ex Prasmar tertia feria infra octavas ascensionis domini, anno domini M^o CCCC^o LXXVI^o. Iudex iuratique cives opidi Prasmar, vestri fideles.

Auf der Rückseite Adresse: Magnifico domino Iohanni Pangracz de Dengelg, vaivodae partium Transsilvanarum comitique Siculorum et cetera, domino nostro gratioso. [S. 92]