Urkunde Nr. 4123 aus Band VII

Seite im UB:

96-97

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Supplementa (Nova Collectio posterior) (Inventar 27), Nr. 1168.

Druckvorlage:

nach Abschrift

Abdruck als:

Volltext

Sprache:

Latein

---

4123

Ofen 1476 Juni 28 König Matthias beurkundet die Verhandlung des Zollstreites zwischen dem Grosswardeiner Kapitel und den königlichen Freistädten und verschiebt die Entscheidung auf den 8. September.

Nos Mathias dei gratia rex Hungariae Bohemiae et cetera memoriae commendamus per praesentes, quod fideles nostri honorabiles magister Georgius Monay lector, Dyonisius custos et Johannes Hwythy canonici ecclesiae Waradiensis in ipsorum ac totius capituli eiusdem loci personis cum procuratoriis literis ipsius capituli ab una item circumspecti Thomas Altemberger magister civium, Johannes Hutter Cibiniensis, magister Paulus de Brassovia iurati cives et Johannes notarius Coloswariensis civitatum nostrarum regalium similiter pro se et pro universis mercatoribus et negociatoribus liberarum civitatum nostrarum regalium modo simili sufficientibus suffulti mandatis partibus ab altera maiestatis nostrae accedentes in conspectum exhibuerunt et praesentaverunt nobis pariformiter quasdam literas fidelium nostrorum unam de reverendi domini Johannis electi Waradiensis praedictae et aliam egregii Andreae Pazman vicecomitis comitatus Bihoriensis ex quarum continentiis aperte denotabatur quod cum alias inter praepositum et capitulum praefatae ecclesiae necnon dictos mercatores coram praefato domino electo de et super facto solutionis tributi seu fori mercimonialis in vico episcopali Wadherth nuncupato in eadem civitate sita in Carnisprivio celebrandarum exigi solito controversionis et differentiae materia orta fuisset partes ambae earundem disscussionem et decisionem in curiam nostram regiam maiestatis nostrae in praesentiam ad festum beati Jacobi apostoli nunc praeteritum pari voto appelando provocassent. Nobis itaque iuxta contenta earundem literarum secundo die festi beati regis Ladislai¹⁾ unacum assessoribus sedis nostrae regalis iudiciariae pro faciendo inter partes moderativo iudicio pro tribunali sedentibus ac eisdem utrisque partibus modo praemisso coram nobis comparentibus praenominati lector et canonici actionem suam contra annotatos mercatores proposuerunt eo modo: Quodlicet tributum fori ipsorum praescriptum in dicta Wadkerth in ipso Carnisprivio et item in Olazy vicis ut pote episcopatus Waradiensis in festivitatibus omnium sanctorum exigi solitum per praefatos mercatores de omnibus ipsorum mercimonialibus sic et suo [S. 97] modo sicut in portione ipsorum capitulari integre iuxta ipsorum antiqua privilegia et iura solvi deberent hactenusque semper solutum fuerit. Tamen iam mercatores ipsi ipsum tributum non integraliter sed medium eius solvere connarentur in grandem iurium eorum oppressionem atque dampnum. Quo audito praefati Thomas Altemberger, magister civium, Johannes Hutter Cibiniensis, magister Paulus de Brassovia iurati cives et Johannes Coloswariensis civitatum nostrarum ipsorum et quorum supra nominibus responderunt ex adverso: Quod a certis annis praeteritis ipsi domini capitulum Varadiensem praefatum eorum tributum non eo ordine limitationeque tituli quibus alias antiquitus exactum fuerat sed longe aliter exigere abusum iniciassent et cepissent eos in exactione huiusmodi tributi variis modis aggravare et dampnificare. Quibus sic partes in alter utrum propositis habitisque hinc inde allegationibus certis etiam literis et literalibus instrumentes licet per easdem partes tunc in iudicio productis. Tamen quia nos habita diligenti examinatione earundum literarum ex eis intentionem, ius et actionem neutrius partis super altercationem tributi intelligere et iuribus quoque partium experiri plene nequivimus nec potuimus pro eo nos nolentes extinde partium iura quoquomodo praecipitare, sed pro maiori aequitate servando animum nostrum de ipsarum ambarum partium iuribus clarius informare cupientes causam huiusmodi tributi ad festum nativitatis beatae Mariae virginis proxime affuturum²⁾ statu in eodem in qua nunc existebat indecisam duximus prorogari prorogamusque per praesentes tali sub conditione et vinculo prorogandam, quod videlicet ipso die nativitatis beatae Mariae virginis ambae partes praescriptae capitulum videlicet et cives ac mercatores per suos legitimus procuratores ad causam huiusmodi sufficienter instructos et suffultos cum omnibus earum literis, iuribus et privilegiis ac documentis, si quas et quae pro se se causa in ipsa habent confectas et emanata quavis occasione dissimulationeque et difficultate postponitis in dicto termino hic Budae coram nostra personali praesentia iudicium et iustitiam ac finalem decisionem super praemissis differentiis et controversiis accepturi comparere teneantur. Casu vero quo aliqua partium id facere et observare non curaret et obmitteret, ex tunc talis pars contra partem alteram praemissa observantem in ammissionem actionis et aquisitionis suae convincatur. Eo facto praesentium testimonio mediante. Datum Budae die et loco in praescriptis, anno domini millesimo qadringentesimo septuagesimo sexto, regnorum nostrorum anno Hungariae et cetera decimo nono, Bohemiae vero octavo.


1) Juni 28.^{^}
2) September 8.^{^}