Urkunde Nr. 4125 aus Band VII

Seite im UB:

98-99

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Supplementa (Nova Collectio posterior) (Inventar 27), Nr. 1167.

Druckvorlage:

nach Original

Abdruck als:

Volltext

Sprache:

Latein

---

4125

1476 Juli 16 Blasius von Temeswar, Bischof von Widdin, erteilt der Kirche der Hl. Andreas, Simon und Juda in Henndorf einen Ablaß.

Nos¹⁾ Blasius¹⁾ de¹⁾ Themeswar¹⁾ et¹⁾ cetera¹⁾ dei et apostolicae sedis gratia episcopus Bodoniensis necnon reverendissimi in Christo patris et domini Gabrielis eadem gratia episcopi Agryensis apostolicae sedis cum plenitudine postetatis legati de latere per totam Transsilvaniam in pontificalibus commissarius salutem in domino sempiternam. Pia mater ecclesia de animarum salute sollicita devotionem fidelium per quaedam munera spiritualia remissiones videlicet et indulgentias invitare consuevit ad debitum famulatus honorem deo et sacris aedibus impendendum, ut quanto crebrius et devotius illic confluit populus christianus assiduis salvatoris precibus clemetiam implorando, tanto delictorum suorum veniam et coelestis [ ]²⁾ gloriam consequi mereamur aeternam. Cupientes igitur, ut ecclesia sanctorum apostolorum videlicet Andreae³⁾, Simonis et Iudae in possessione Hegen noviter [ ]⁴⁾ diocesis Albae Gywlensis congruis hoc [ ]⁵⁾ entetur et a Christi fidelibus iuviter veneretur, ad instantem supplicationem nobis dilectorum egregii [ ]⁶⁾ decretorum doctoris, plebani de Seghws necnon egregii Michaelis magistri civium civitatis castri Seghwss, venerabilium et discretorum Iohannis plebani de eadem Heghen, natione de Zent Agata, et Simonis plebani de Appolia, Andreae Horthman villici de eadem Heghen, Petri Duchlender, Iohannis Brunner⁷⁾, Iohannis Berthloph, Mathiae Zinder, Iohannis Scolaris et Blasi comitis omnibus vere poenitentibus contritis et confessis, qui ad ipsam ecclesiam in festo eorundem apostolorum et aliis festivitatibus videlicet nativitatis, circumcisionis, Epiphaniae, annunciationis, ressurectionis, ascensionis, Penthecosten, trinitatis, corporis Christi et transfigurationis domini et omnibus solemnitatibus gloriosissimae virginis Mariae videlicet purificationis, visitationis, de nive, assumptionis, nativitatis, conceptionis et in festivitatibus duodecim apostolorum et in utroque festo Iohannis baptistae, Michaelis archangeli et omnium sanctorum et fidelium animarum et per octavas dictarum festivitatum octavas habentium, qui causa devotionis, orationis aut peregrinationis accesserunt, necnon qui ad fabricam ecclesiae et murorum reparationem aut luminaria, ornamenta seu mensalia dictce ecclesiae et mu- [S. 99] ris emendandis necessaria manus porrexerint adiutrices seu qui missis, praedicationalibus, matutinis vesperis seu quibusque divinis officiis ibidem interfuerint; autem qui corporis Christi vel oleum sacrum dum infirmis portantur secuti fuerint, vel qui in serotina et matutina pulsatione campanae flexis genibus ter Ave Maria dixerint, aut qui in eorum testamentis vel extra testamenta aurum, argentum seu quaevis alia caritativa subsidia dictae ecclesiae donaverit, legaverit seu⁸⁾ procuraverit, vel qui cimiterium eiusdem ecclesiae orando pro animabus, quorum corpora inibi requiescunt, humata circuerit, autem qui pro benefactoribus praenotatis, qui in reparatione praedicte ecclesiae praecipui cooperatores fuerunt, deum oraverint quotienscumque, quantumcumque et ubicumque praemissa vel aliquid praemissorum devotae fecerint de omnipotentis dei misericordia et beatorum Petri et Pauli apostolorum eius auctoritate confisi quadraginta dierum indulgentias in singulis vero ipsus ecclesiae dedicationibus quam in dominica post festum divisionis apostolorum ad laudem et gloriam omnipotentis dei statuimus celebrari, unius anni et mensis indulgentias de iniunctis sibi poenitentiis misericorditer in domino relaxamus. In quorum rei testimonium praesentes literas sigilli nostri personalis fecimus appensione communiri. Datum secundo die divisionis apostolorum, anno domini millesimo quadringentesimo septuagesimo sexto.


1) Verlängerte Schrift. [6x]^{^}
2) Lücke 15 mm.^{^}
3) Über der Zeile.^{^}
4) Lücke 30 mm.^{^}
5) Lücke 33 mm.^{^}
6) Lücke 14 mm.^{^}
7) Lesung ungewiss, da verwischt.^{^}
(8) Hierauf gestrichen portaverit. ^{^}