Urkunde Nr. 4133 aus Band VII

Seite im UB:

104-105

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 367.

Druckvorlage:

nach Original

Abdruck als:

Volltext

Sprache:

Latein

---

4133

Ofen 1476 August 2 König Matthias teilt dem Bischof Johannes von Tschanad mit, dass die Egrescher Abteibesitzungen Donnersmarkt, Scholten, Abtsdorf und Schoresten hinsichtlich Steuerleistungen, Heeresfolge und anderen Lasten zu Hermannstadt und den Sieben Stühlen zu zählen sind.

Von der Kanzlei: De commissione propria domini regis.

Mathias dei gratia rex Hungariae, Bohemiae et cetera fideli nostro dilecto reverendo in Christo patri domino Iohanni episcopo ecclesiae Chanadiensis salutem et gratiam. Expositum extitit maiestati nostrae in personis fidelium nostrorum iudicis ac iuratorum civium et totius communitatis civitatis nostrae Czibiniensis nec non et universorum Saxonum septem sedium Saxonicalium partium nostrarum Transsilvanarum, quomodo alias posesssiones abbatiae vestrae Egres, Munera, Chanad, Hodwylag er Schoristen nuncupatae in eisdem partibus Transsilvanis existentes iuxta antiqua ipsorum privilegia et consuetudines in omnibus iuribus contributionibus extraordinariis, vigiliis, custodiis et quorumcumque laborum exercititiorumve oneribus, quibus partes illae septem sedium circa servitia nostra regalia ac praetactae civitatis nostrae Czibiniensis consevationem et tutelam astricti forent, semper ad praedictos cives, eorumque dictorum Saxonum communitatem pertinuissent pertinereque deberent etiam de praesenti. Vos tamen, qua nescitur occasione ducti, easdem possessiones sub annuis pensionibus in commendam tenentes invitis omnino ipsarum incolis a praedictis civitate et Saxonibus nostris separare, alienareque et penitus abstrahere vellitis et niteremini in derogamen iurium libertatum ac consuetudinum ipsorum antiquarum manifestum. Supplicatum itaque extitit [ ]¹⁾ superinde de remedio providere. Cum autem nostrae regiae dignitatis incumbat officio, cunctos subditos nostros in iuribus et libertatibus suis sub bono aequitatis moderamine regere, sicuti ergo ecclesias et ministros dei, ita etiam civitatem et Saxones nostros iuribus, libertatibus et veteribus consuetudinibus fraudari nolumus. Quapropter fidelitatem vestram requirimus nihilominusque eidem firmiter praecipimus et mandamus, quatenus praescriptas quatuor possessiones abbatiae de Egres Munera, Chanad, Holdwylag et Schoristen in praetactis omnibus iuribus, contributionibus exordinariis, vigiliis, custodiis ac quorumlibet laborum exercitiorumve oneribus ac lege, ordine et consuetudinis observantia, quibus eaedem ipsarumque incolae ab annis quinquaginta, sexaginta, centum et a tanto temporis spatio, cuius initii contrarium in hominum memoria existere non dicitur circa civitatem et Saxones nostros praetactos tentae fuerunt et conservatae, etiam de cetero libere, pacifice et absque omni contradictione vivere et uti permittere debeatis, ab ipsisque eos contra antiqua iura, libertates et antiquas consuetudines [S. 105] ipsorum separare et abstrahere nullatenus praesumatis gratiae nostrae sub obtentu. Praesentes autem perlectas reddatis praesentanti. Datum Budae secundo die festi ad vincula beati Petri apostoli, anno domini millesimo quadringentesimo septuagesimo sexto, regnorum nostrorum anno Hungariae et cetera decimo nono, Bohemiae vero octavo.

Auf der Rückseite gleichzeitig: Matthias episcopo Chandiensi, ut villas abbatiae de Egres, Monora et cetera in libertatibus suis vivere permittat.


1)Im Bug unleserlich 35 mm.^{^}