Urkunde Nr. 4142 aus Band VII

Seite im UB:

109-110

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 368.

Druckvorlage:

nach Original

Abdruck als:

Volltext

Sprache:

Latein

---

4142

Broos 1476 September 14 Richter, Hannen und die Geschworenen von Markt und Stuhl Broos ersuchen den Rat von Hermannstadt, ihnen den Stephan Kroner nicht weiter als Königsrichter aufzudrängen.

Servitium paratum cum omni subiectione praescriptum. Prudentes viri domini et praeceptores nostri praeferendi. Vestrae noverint dominationes causam et litis materiam ratione et praetextu iudicatus regii sedis et oppidii Sazwarus ab una parte, vero ab altera circumspectum Stephanum Croner motam. Sed quia lis et causa per vestras dominationes usqe ad festum sanctae crucis¹⁾ dilata extitit, terminum et diem observandum, Sed quia plurima et ardua negotia regalia et vestrarum dominationum nobis dietim incum- [S. 110] bunt, quod nullo modo iudicii regii carere valemus, igitur iuxta consuetudines et libertates nostras a vestris dominationibus edoctas unanimi consensu et pari voto decrevimus nobis unum idoneum virum in iudicem regium sedis et oppidi eligere, denique electumque in praesentiam vestrarum dominationum statuere, ut idem nos contra quoslibet impugnatores post vestras dominationes tueri et defensare teneatur. Ea de re easdem dominationes vestras dei omnipotentis intuitu servitiorum²⁾ nostrorum ob respectum per intime supplicamus, quatenus praedictum Stephanum³⁾ Croner ultra volentatem totius sedis et opidi in iudicem regium angariare minime dignemini, quia nullo modo eundem propter sua plurima iniurias reassumere volumus, si et remedium coram gratiosissime domino nostro rege obtinere oportebit. Ex Zazzwarus in die exaltationis sanctae crucis, anno millesimo quadringentesimo septuagesimo sexto.

Iudices, villici⁴⁾ iuratique cives
ac tota communitas sedis et
oppidi Zazzwarus vestrarum do-
minationum subiecti.

Auf der Rückseite Adresse: Prudentibus et circumspectis viris magistro civium, iudicibus et iuratis senioribus civitatis Cibiniensis dominis et praeeptoribus suis praeferendis.


a) Im UB Abbildung des Siegels des Marktes Broos auf Tafel IV, Bild 2, unten als »Abb. ^{^}

1) September 14.^{^}
2) Hierauf 6 mm durchgestrichen.^{^}
3) Vorlage Sthe...^{^}
4) Über der Zeile. ^{^}

Abb.