Urkunde Nr. 4148 aus Band VII

Seite im UB:

114

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 370.

Druckvorlage:

nach Original

Abdruck als:

Volltext

Sprache:

Latein

---

4148

Kronstadt 1476 Oktober 2 Stephan Bathori, iudex curiae und Generalkapitän der königlichen Truppen in Siebenbürgen, trägt Hermannstadt und den Sieben Stühlen auf, ihm die angeforderten Bombarden und Wurfgeschosse umgehend zuzuschicken.

Prudentes ac circumspecti amici nostri dilecti. Scribit nobis regia maiestas, quomodo eadem certas vobis cum haberet facta et vos pluribus non impediremus hactenus, misi illas bombardas ac alia ingenia cum singulis attinentiis dare et suo ex ordine appromptuare simulcum lapidibus et aliis necessariis, necnon cum eisdem quinquaginta homines equites¹⁾ bene armatos et electos meliores quos habetis, mittere deberetis. Et haec est voluntas regia, ut facta suae maiestatis etiam hic domi ad voluntatem suam impleantur. Ideo dilectioni vestrae auctoritate et in personae suae regiae maiestatis harum serie sub poena perpetuae infidelitatis amissioneque capitum rerumque et bonorum vestrorum firmiter committimus et mandamus, quatenus statim et in continenti visis praesentibus nullaque more protracta²⁾ huiusmodi bombardas aliaque ingenia cum sufficientibus attinentiis et curribus sed et dictos quinquaginta homines eqites bene armatos secundum mandata regia nobis delata, mittere debeatis et teneamini, pro ut ea omnia is nobilis Ladislaus Kwthofy, familiaris noster, vobis oris officio latius declarabit, cui in singulis credere et ea omnia effectui mancipare curetis nota sub praemissa. Secus non facturi. Ex Brassovia feria quarta proxima post festum beati Michaelis archangeli, anno domini M^o et cetera sexto. Comes Stephanus de Bathori, iudex curiae regiae maiestatis, necnon supremus capitaneus gentium regalium in partibus Transsilvanis et cetera.

Auf der Rückseite Adresse: Prudentibus ac circumspectibus magistro civium iudicique et iuratis consulibus civitatis Cibiniensis necnon septem sedibus Saxonicalibus ad eandem pertinentibus, amicis nobis dilectis.


1) Über der Zeile.^{^}
2) Hierauf gestrichen quatenus. ^{^}