Urkunde Nr. 4151 aus Band VII

Seite im UB:

115-116

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 323: Schwarze Kirche Kronstadt (Colectia de Documente a Bisericii Negre Brasov), I E (Burzenländer Kapitel, Urkunden), Nr. 171.

Druckvorlage:

nach Original

Abdruck als:

Volltext

Sprache:

Latein

---

4151

Brenndorf 1476 Oktober 18 Der siebenbürgische Vizewoiwode Dominik Bethlen entscheidet den Hattertstreit zwischen Marienburg und Crizbav.

Nos Dominicus Bethlen de Ikthar, vicevaivoda Transsilvanus, memoriae commendamus tenore praesentium significantes quibus expedit universis praesentium notitiam, quomodo a multis temporibus retroactis ratione [S. 116] quarundam terrarum arabilium ac silvae litigiosarum inter villam Feldwar et possessionem Kyrisbah adiacentium per castellanos castri Thercz nec non populos de Kyrisbah et inhabitatores dictae Feldwar guerrae et litium motiones fuissent subortae et ventilatae. In uno etiam termino ambae partes videlicet castellani castri praedicti ac populi de Kyrisbah ac de Feldwar ad pacis et concordiae devenissent unionem atque compositionem. Et dum partes ipsae scilicet iudex civitatis Brassouiensis ac inhabitatores eiusdem Feldwar et castellani dicti atque populi de praefata Kyrisbah ad eandem villam Feldwar et castellani dicti atque populi de praefata Kyrisbah ad eandemi Feldwar convenissent, ordinationem ac compositionem unanimi voluntate super ipsam terram facere volentes pacificam ac ad indicationem contigit, itaque novitas eveniri et audiri formidativa et periculosa quod saevissimus Turcorum imperator ad partes terrae Barcza valida cum potentia proposuisset subintrare et eo de facto ipsa causa partium voluntate ad alium terminum fuerit prorogata. Demum autem ipsa causa iudicio nostro devoluta cum nobilibus potioribus regni videlicet Johanne de Barcza ac alterio Johanne Galfy de Thereek nec non Georgio de Rapolth nonnullisque¹⁾ aliis nobilibus in dicta civitate Brassouiensi pro tribunali consedissemus super eo diutius tractando maturaque inter nos deliberatione praehabita iudicando decrevimus termino, quo villicus de saepedicta Feldwar sedecimo semet hominibus potioribus de eadem in facie terrarum litigiosarum iuramenta deponere debeant et praestent, ut semper et ab antiquo tempore avum et praedecessorum suorum terras arabiles et silvam habuissent et possedissent, et unquam pro pretio aut muneribus terram ipsam ac silvam a castellanis castri Thercz et populis de Kyrisbah sibi ipsis impetrassent ad usum. Villici vero de Helthwen et Weresmarth viginti quatuor sesemet hominibus potioribus in eisdem villis commorantibus similiter iuramenta praestent, ut semper et ab antiquo ipsae terrae litigiosae ac silvae ad villam Feldwar pertinuissent ipsique usi fuissent ipsosque fore scirent et quod tertio die iudicationis nostrae eoram hominibus nostris sacramenta deponere debeant. Ipsoque die adveniente, in faciem praefatarum terrarum litigiosorum accedendo iuramenta ac sacramenta ipsorum deponentes, prout iudicaveramus eosdemque in dominium dictarum terrarum litigiosorum et silvae introduximus et²⁾ statuimus³⁾, parte adversa non contradicente, ipsis filiisque et filiorum nec non⁴⁾ posteritatibus et haeredibus immo statuimus et introducimus easdem, eisdem irrevocabiliter tenendum, possidendum pariter et habendum. In cuius rei testimonium literas nostras sigillo nostro damus et concedimus roboratas. Datum in Bothfallwa feria sexta ipso die festi beati Lucae ewangelistae, anno domini millesimo quadringentesimo septuagesimo sexto.

Auf der Rückseite gleichzeitig: Littera de parte silvae, in späterer Schrift hinzugefügt: super territorium Cripsbach versus.


1) Hierauf gestrichen all.^{^}
2) Hierauf nochmals am Zeilen anfang et.^{^}
3) Vorlage statuentes (!) ^{^}
4) Hierauf gestrichen h.^{^}