Urkunde Nr. 4162 aus Band VII

Seite im UB:

122-123

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Neuanschaffungen [Colecţia Achiziţii], Harald Meschendörfer Nr. 1.

Druckvorlage:

nach Original

Abdruck als:

Volltext

Sprache:

Deutsch

---

4162

Kronstadt 1476 Statut der Bruderschaft der Schneidergesellen in Kronstadt.

In dem ior als man hat geschriben von der geburt wnsers hern Ihesu Cristi tausent vierhundert vnd sechszensibenczig iar in¹⁾ den¹⁾ namen wnsers scheppers wyr sneider gesellen in der stot zcw Cronen heben on eyn bruderschafft, Got dem Vater zcw lob wnd zcw er wnd seyner liebe¹⁾ mutter Marie, myt den¹⁾ willen der maister wnd auch der gesellen. [1.] Wnd wisset yr liben gesellen, das eyn yder geselle der do hy arbet zcw Cron, der sal alle vierczen tag kommen yn dy herberig, vnd auff zcw legen tczwen phennig²⁾ vnd eyn yder knab der do erbet³⁾ öm lon, der zal geben eynen phennig. [2.] Vnd auch welcher nicht kwem wen dy stund ellffe schlet, der sal geben eyn asper czw busz vnd eyn knab eynen asper. [3.] Vnd welcher nicht möcht kommen, der do czw schaffen het, der sal schicken dy phenig yn dy herbrig. [4.] Vnd welcher tezweschen wns vnfornunfftiglich wuert⁴⁾ treiben vor dem vater ader vor der mutter ader vor der swester, mit worten ader mit wercken, der sal geben czw busz tczwen asper. [5.] Wnd welchen dy gesellen erwellen tezweschen wns, dem suellen⁴⁾ dy andern gehorsam seyn, es wer czw weyn ader czw bad ader yn ander geschefft, wnd welcher nicht gehorsam wolt seyn wnd oeber⁵⁾ treth, der sal geben tczwen asper czw buss, wnd eyn knab eynen asper. [6.] Wnd das keyner an den¹⁾ heyligen sczwelpoten¹⁾ tag, wnd an wnser liben Frawen tag sal gien¹⁾ an eyn wnczemlich ende der weyber, wnd der das weber treth, der sal geben eyn firtel phunt wacz, wnd eyn knab eyn halb firtel phunt wacz. [7.] Wnd welcher geselle das von ym gewar wuerth⁴⁾ wnd wuerth⁴⁾ das nicht sogen ader offenborn den gesellen, der sal geben eyn firtel wacz¹⁾, wnd eyn knab eyn halb firtel wax¹⁾. [8.] Wnd welcher geselle eyn srei¹⁾ weib aber eyn snoed⁵⁾ wort yren¹⁾ von den phennigen geseelln, der sal geben tczven asper czw busz, wnd eyn knab eynen asper. [9.] Wnd welcher geselle würt⁶⁾ spilen tewer wen oem⁵⁾ eynen helbeling, der sal geben tczwen asper czw busz, vnd eyn knab gar, nisnicht¹⁾. [10.] Vnd ab eyn geselle von der schickung des almechtigen Vaters stuerb⁴⁾ aws der bruderschafft ader eyn knab der oem⁵⁾ lon arbet, do sallen dy gesellen yn czw der erden bestatten von der pixen, wnd ab her eyn fremder geselle, so suellen⁴⁾ dy alt gesellen nemen seyn gewant wnd suellen⁴⁾ vorkoffen mit wissen aller gesellen vnd das selbig gelt suellen⁴⁾ sy behalden yn der pixen wnd ab her fruent⁴⁾ het, dy darnoch frogeten, so suellen sy ym das nicht vorhalden suennder⁴⁾ sy suellen⁴⁾ do von nemen alzo vil als man ausz hot gegeben czw der bestatung seynes leichnans⁷⁾. [11.] Wnd wen dy alt gesellen gebitten den leichnam tragen tczw dem grobe, wnrl welcher das widerreden wuert⁴⁾, der sal geben eyn firtel vax. [12.] Wnd ab dy gesellen yn der heinlichkeit⁸⁾ etwas hetten czw schaffen wnd welche⁴⁾ das offenborn wurt¹⁾ aws wendich, es wer weichers¹⁾ wer der⁹⁾ sal⁹⁾ geben eyn firtel vax czw busz. [13.] Vnd on gotcz leichnam tag eyn yder geselle sal haben eyn kercz dem heilige¹⁾ leichnam zw lob vnd er wndczw wy dy gesellen mit yn schaffen wnd ordinyrn czw gien¹⁾ yn der process. [14.] Vnd ab so gar eyn armer geselle her quem der do nisnicht¹⁾ het wnd stuerb⁴⁾ allhy, so suellen⁴⁾ dy gesellen yn czw der erdt bestatten von der pixen. [15.] Vnd dy pusz dy myr do do¹⁾ eyn nemen, dor welle wyr kessen vax vnd dor aws loszen machen kertczen wnd lossen brennen durch gotes eren willen vnd dorwm, yr erbern weisen gesellen, lege wyr on das gelt allen glewbigen silen¹⁾ dy do hy vorscheiden synt aws der bruederschafft⁴⁾ der sneider gesel- [S. 123] len vnd dor wm das wnser pixen nicht nicht¹⁾ wuert⁴⁾ geschencht¹⁾ wen wyr nemen das gelt nicht zcw wnsern nutcze als yr wol hat gehort yn dem briff. [16.] Vnd ab eyner dy busz nicht wold geben wnd wuert⁴⁾ bewunden yn den vorgenanten stucken, wnd wold kegen wns eyn hochen mut tragen, wnd wil sich oeber⁵⁾ wns erheben, so welle wyr euch zcw wissen lossen wnd wellen dornoch buessen⁴⁾ wy wyr wellen. [17.] Vnd welcher trincken wurt wnd wurt dor noch vorlossen, der sal geben czw busz eyn halb phunt(¹⁰⁾ vax, wnd welcher das selbig gewor wuert⁴⁾ von ym vnd wold es nicht offenbarn, des sol auch auch¹⁾ geben eyn halb phunt vax. [18.] Wnd welcher den andern vuert⁴⁾ hessen ligen yn eynen ernest ader smeen mit worten eyn halb(¹⁾ phunt vax. [19.] Wnnd welcher den andern slet wns¹⁾ maul ader greifft ym yn das hor yn eynem czorn, der sal geben eyn(¹²⁾ phunt(¹²⁾ vax. [20.] Wnd welcher dy woch oeber⁵⁾ wirt feyern ader das her nicht arbet het, der sal geen czw dem vater oem⁵⁾ seyn gelt wnd ab her ee¹⁾ weck¹⁾ czug an wissens des vaters vnd het den vater nicht beczolet von der tczerung der sal nicht gut genug seyn den gesellen also lang bisz her genug thuet⁴⁾ dem vater. [21.] Wnd ab eyner kwem zcw dem vater vnd his kochen czwm mol wnd wuerth⁴⁾ sich vorsewmen, der sal das mol beczoln. [22.] Wnd eyn yder geselle sal kommen czw bad wen dy stunt 1 slet. [23.] Item wen das men¹⁾ eyn mes wirt lossen singen aws der bruder schafft, so sal eyn yder gesel tczwm opper geen wnd off czw legen eyn gantczen phennig, wnd wer nicht czw opper git vnd nemmer(¹³⁾ off leget wen eyn phenig, der sal geben czw busz eyn halb phunt vax(¹⁴⁾. [24.] Item es sey weslich allen sneider gesellen dy kommen czw Cronen wnd wellen arbeten oem⁵⁾ lon der sal yn dy bicz¹⁾ legen sechs asper als dy, dy den seyn gewest eyn onfang der bruderschafft. Vnd allen liben gesellen yr nomen ist on geschriben. Der erste heiset Ambrosius Sibenburger, item Morge Mathes, item Hannes Ruchel, item Hatten Endres Simon, item Hannes Kestner, item Lang Michls Hannis, item Piter Brodner, item Hannes Hermsteter, item Misse Iacob, item Ioerg⁵⁾ Hoethoern(5), item Nicles Funck, item Cristel Hoen(5), item Piter Loy, item Swartcz Michel, item Niclos von Kalen Schepesch, item Michel Oelschleger(5), item Raw Ioerg(5), ittem Schifflich Hannes, item Thies Fusz. [25.] Item czw aller quatuor temper¹⁾ zueilen⁴⁾ dy gesellen eyn zel mesz lossen singen, got zcw lob vnd czw er vnd allen glewbigen zelen. [26.] Item czw aller quatuor temper¹⁾ zuellen⁴⁾ dy alt gesellen off legen dy schloeszel⁵⁾ vnd zcw vorregnung das gelt das wyr haben vnnd ander gesellen zcw erwelen. [27.] Item wen das eyn gesel stuerb⁴⁾ aws der bruderschafft so zoellen¹⁵⁾ sy eyn zel mes loszen singen an dem nesten fewertag dornoch¹⁵⁾. [28.] Item ander mol viss libe gesellen, eyner der do bosfeldig ist, jwng vnd alt, der sal das nyder legen yn fyer wachen vnd ver das nicht vyrd nyder legen adder geben, der sal geben zw bosz eyn halb phwnt vax et cetera. [S. 124]


1) So Vorlage. [30x]^{^}
2) Der folgende Satz bis zum Punkt mit anderer kleiner Schrift auf dem linken Rand nachgetragen.^{^}
3) Vorlage erb 3. ^{^}
4) In der Vorlage e über u. [26x]^{^}
5) In der Vorlage e über o. [10x]^{^}
6) In der Vorlage e über w. ^{^}
7) Danach über der Zeile mit späterer Schrift eingefügt: vngan (?) ^{^}
8) Kann auch Hemlichkeit gelesen werden. ^{^}
9) Schrift mit späterer Tinte nachgezogen. [2x]^{^}
10) Von der gleichen Hand wie bei Anmerkung 9 geändert ins Phirtell. ^{^}
11) Darüber eine von derselben Hand wie Anmerkung 9 gemachte und gestrichene Verbesserung.^{^}
12) Gestrichen und über beide Worte die Zahl “4“ geschrieben von derselben Hand wie Anmerkung 9. [2x]^{^}
13) Vorlage nemner. ^{^}
14) Von hier beginnt eine spätere, grössere Schrift, vielleicht von der gleichen Hand.^{^}
15) Von hier beginnt ein späterer Zusatz mit dunklerer Tinte von derselben Hand.^{^}