Urkunde Nr. 4166 aus Band VII

Seite im UB:

126-127

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 26 425.

Druckvorlage:

nach Original

Abdruck als:

Volltext

Sprache:

Latein

---

4166

Ofen 1477 Januar 9 König Matthias trägt dem Konvent von Kolozsmonostor auf, Franz von Salzburg erneut in den Besitz von Weisskirch, Dăişoara u.a. einzuführen.

Mathias, dei gratia rex Hungariae, Bohemiae et cetera, fidelibus nostris conventui ecclesiae de Kolosmonostra, salutem et gratiam, Dicitur nobis in persona fidelis nostri nobilis Francisci, filii quondam Nicolai de Wyzakna, quomodo ipse in dominium quarundam possessionum Feyereghaz et Longodar necnon portionis possessionariae in possessione Rakowycza et medietatis possessionis Horthobaghfalwa, in Albensis ac totalis possessionis Iwedych et medietatum possessionum Bwn, Hethwr, Monyaros, Balastheleky in de Kykellew et similiter medietatum possessionum Mykes, Seresthye, in de Thorda comitatibus Transsilvaniae necnon universarum possessionum portionumque et iurium possessionarium quondam Nicolai de Wyzakna ubivis in partium eiusdem opidi¹⁾ Wyzakna existentium habitarum ipsum omnis iuris titulo concernente, legittime vellet introire. Super quo fidelitati vestrae²⁾ firmiter praecipiente mandamus, quatenus vestrum mittatis hominem pro testimonio fidedignum, quo praesente Paulus de Rakos vel Nicolaus²⁾ de Pethlend aut Sigismundus de Haranghlab seu Petrus de Somogy, aliis absentibus, homo noster, ad facies praescriptarum³⁾ possessionum et portionum possessionariorum, vicinis et commetaneis eorundem universis inibi legittime convocatis et praesentibus accedendo, introducat memoratum Franciscum in dominium eorundem, statuatque easdem eidem simulcum cunctis ipsarum utilitatibus et pertinentiis quibuslibet, praemisso iure ipsi incumbente, perpetuo possidendas, si non fuerit contradictum. Contradictores vero, si qui fuerint, evocet eosdem contra annotatum Franciscum nostram personaliter in praesentiam ad terminum competentem ratione contradictionis eorum reddituros. Et posthaec huiusmodi introductionis et [S. 127] statutionis seriem cum contradictorum et evocatorum si qui fuerint viciniorumque et commetaneorum qui praemissae statutionis intererunt nominibus, terminoque assignato ut fuerit expediendas dictae nostrae personalis praesentiae fideliter rescribatis. Datum Budae, feria quinta²⁾ proxima post festum Epiphaniarum domini, anno eiusdem millesimo quadringentesimo septuagesimo septimo.

Auf der Rückseite Adresse: Fidelibus nostris conventui ecclesiae de Kolosmonostra pro nobili Francisco filio quondam Nicolai de Wyzakna, introductoria et statuaria.


1) So Vorlage.^{^}
2) Auf Rasur. [3x]^{^}
3) Gebessert aus infrascriptarum.^{^}