Urkunde Nr. 4169 aus Band VII

Seite im UB:

128

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 47

Druckvorlage:

nach Original

Abdruck als:

Volltext

Sprache:

Latein

---

4169

Ofen 1477 Januar 10. König Matthias gestattet dem Richter und Rat von Kronstadt einen Rector und Kirchenväter für die Katharinenkapelle, die ehemals zu Kerzer Abtei gehörte, zu bestimmen.

Von der Kanzlei: Commissio propria domini regis,

Nos Mathias dei gratia rex Hungariae, Bohemiae et cetera memoriae commendamus tenore praesentium signifcantes quibus expedit universis, quod pro parte et in personis fidelium nostrorum honorabilis Johanni plebani, item prudentum et circumspectorum iudicis et iuratorum ceterorumque civium civitatis nostrae Brassouiensis nobis expositum extitit in hunc modum. Quomodo capella sive sacellum sub honore beatae Katherinae virginis in eadem civitate Brassoviensi fundata, quae alias ad abbatiam de Kerz pertinuisset, sed ex quo nunc ipsa abbatia in desolatione devenisset, ipsa capella rectore careret legitimum. Unde timendum esset, ne sicuti in divinis officiis ita etiam in rebus et bonis temporalibus capella ipsa iactura pateretur. Supplicatum itaque est maiestati nostrae, ut eisdem id gratiose annuere et concedere dignaremur, ut in eandem capellam seu sacellum idoneum rectorem eligere et locare ac pro custodia et conservatione rerum eiusdem vitricos circa eandem constituere possent et valerent. Unde nos huiusmodi supplicatione exaudita superantes ipsorum plebani et civium prudentia ac circumspectione discreta talem ad rectoratum ipsius capellae sive sacelli eligi, qui sicut in divinis sic nominatim eam in temporalibus posset gubernare, eisdem id duximus annuendum et concedendum, ut ipsi pro hac vice ad eandem capellam unam personam idoneam et benemeritam eligere et praesentare ac vitricos constituere possint et valeant auctoritate iuris patronatus nostri regalis praesentibus ipsis in hac parte concessa mediante, caventes tamen ne in huiusmodi eorum electione et nominatione simonia intercedat aliqualis immo annuimus et concedimus harum nostrarum vigore et testimonio literarum mediante. Datum Budae feria sexta proxima post festum Epiphaniarum domini, anno eiusdem millesimo quadringentesimo septuagesimo, regnorum nostrorum anno Hungariae et cetera decimo nono, Bohemiae vero octavo.