Urkunde Nr. 4170 aus Band VII

Seite im UB:

128-129

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 131.

Druckvorlage:

nach Original

Abdruck als:

Volltext

Sprache:

Latein

---

4170

Ofen 1477 Januar 11 König Matthias fordert den Pfarrer Bartholomäus Literatus von Mettersdorf auf, zurückzutreten, da Richter und Rat von Bistritz aufgrund des ihnen verliehenen Patronatsrechts die Stelle anderweitig besetzt haben.

Von der Kanzlei: Commissio propria domini regis.

Mathias dei gratia rex et cetera fideli nostro discrete Bartholomeo Literato salutem et gratiam. Ex querimoniis fidelium nostrorum circumspecto- [S. 129] rum iudicis et iuratorum civium civitatis nostrae Bistriciensis intelleximus, quod quamvis alias ipsis ius patronatus parochialis ecclesiae beati Iohannis evangelistae in possessione Naghdemether vocata constructae per literas nostras contulerimus, ipsi quoque vigore huiusmodi iuris patronatus quondam discretum presbyterum idoneum et sufficientem vacante ipsa plebania in ipsam ecclesiam et plebaniam elegerint et locaverint. Tamen tu expost te cum quibusdam literis nostris in eandem plebaniam intrudifecisses, in praeiudicium dicti iuris patronatus praefatorum exponentium valde magnum. Cum autem nos ipsos cives nostros in praefato iure patronatus ipsorum prout ipsis semel contulimus, illibate velimus conservare, nam neque literas cuipiam concessissemus si constitisset nobis, quemadmodum nunc constat, de iure patronatus dictorum civium per nos eisdem literis nostris mediantibus in hac parte concesso et si quas etiam in contrarium concessissemus viribus omnio carituras decrevimus. Quam ob rem mandamus tibi firmissime aliud habere nollentes, quatenus statim receptis praesentibus ex praefata plebania exire et illi presbytero, quem ipsi cives elegisse ad eandem se referunt, cedere modis omnibus debeas et tenearis, quoniam certus sis, quod nos nolimus aliquem alium ipsam plebaniam assequi nisi illum, quem ipsi cives nostri ex indulto et concessione nostra et iuris patronatus nostri. elegerint. Secus non facturus; praesentibus perlectis exhibenti restitutis. Datum Budae sabbato proximo post festum beati Pauli primi heremitae, anno domini millesimo quadringentesimo septuagesimo septimo, regnorum nostrorum Hungariae etcetera anno decimo nono, Bohemiae vero octavo.