Urkunde Nr. 4171 aus Band VII
- Seite im UB:
- 129-130
- Heute in:
- Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]
- Heutige Signatur:
- Urkundensammlung [Colecţia de documente medievale], Serie U. II (Inventar 25 ), Nr. 373.
- Druckvorlage:
- nach Original
- Abdruck als:
- Volltext
- Sprache:
- Latein
4171
Ofen 1477 Januar 17 Köng Matthias erteilt den Sachsen der Sieben Stühle das Recht, ihre Königsrichter frei zu wählen und sie von ihm bestätigen zu lassen. Orig. Perg. Arh. St. Sibiu U II 373. Siegel, rund, Dm. 65 mm, rotes Wachs in weisser Wachsschale an weiss-roter Seidenschnur angehängt. Derselbe Stempel wie Nr.
»3362. [-- Auch] Eingeschaltet von König Matthias 1478 [= UB Nr.
»4280], Arh. St. Sibiu, Manuskript Zimmermann des Urkundenbuchs XI, 4. -- Im Auszug bestätigt von Johann Zápolya 1532, Orig. Ebenda.
Druck: Kurz, Magazin (
») 2, 169.
Regest: Kemény, Notitia (
») 1, 185.
Commissio propria domini regis.
Nos Mathias dei gratia rex Hungariae, Bohemiae et cetera memoriae commendamus tenore praesentium universis quibus expedit significantes, quod nos tum inducti nonnullorum fidelium nostrorum humilima supplicatione nobis pro parte universitatis Saxonum nostrorum septem sedium Saxonicalium facta, tum vero ut iidem Saxones nostri pro utilitate regia numero et opibus eo magis studeant adaugeri, quo se a nobis maioribus amplioribusque libertatum praerogativis conspexerint honoratos, eisdem de nostra regia liberalitate ac gratia speciali id duximus annuendum pariter et concedendum, annuimusque et concedimus per praesentes, ut ipsi in electione iudicum regalium in antiquis eorum libertatibus et praerogativis manueant talimodo. Quod honor huiusmodi iudicatus obeuntibus ipsis iudicibus ad heredes et successores eorum, qui huiusmodi iudicatus officio functi fuissent, iure paterno non condescendat, sed post obitum eorum hii qui ad illud iudicatus officium magis digni magisque idonei et sufficientes visi fuerint ac pro communi bono utiles, cum nostro tamen semper beneplacito [S. 130] ad honorem sive officium huiusmodi iudicatus eligantur. Ut autem ipsi Saxones nostri hac ipsa libertate et privilegio per nos ipsis concesso liberius gaudere valeant, volumus et decernimus, ut si quos hactenus ex iudicibus in medio ipsorum constitutis, pro quacumque causa in officio ipsius iudicatus confirmassemus, huiusmodi nostra confirmatio durante vita ipsorum iudicum confirmatorum robur obtineat firmitatis. Obeuntibus autem eis, praefati Saxones nostri septem sedium iudices e medio ipsorum, quos voluerint, et qui eis pro fidelitate nobis observanda ac utilitate et augmento communitalis eorundem magis et sufficientes visi fuerint, cum nostro tamen, ut praemissum, semper beneplacito eligere possint et valeant auctoritate nostra praesentibus literis nostris ipsis in hac parte concessa mediante. Quas ad perpetuam rei memoriam sigillo nostro in pendenti comunitas eisdem Saxonibus nostris septem sedium duximus concedendas. Datum Budae in festo beati Anthonii abbatis, anno domini millesimo quadringentesimo septuagesimo septimo, regnorum nostrorum anno Hungariae et cetera decimo nono, Bohemiae vero octavo.
Auf der Rückseite gleichzeitig: Super iudicibus septem sedium ut eligantur.