Urkunde Nr. 4175 aus Band VII

Seite im UB:

131-132

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.II, Nr. 374.

Druckvorlage:

nach Original

Abdruck als:

Volltext

Sprache:

Latein

---

4175

Ofen 1477 Februar 27 König Matthias vertagt die Urteilsfällung in dem Zollstreit der königlichen Freistädte Hermannstadt, Kronstadt, Klausenburg, Ofen, Pest, Kaschau und Pressburg mit dem Grosswardeiner Kapitel auf den 1. Mai.

[S. 132] Nos Mathias dei gratia rex Hungariae, Bohemiae et cetera memoriae commendamus per praesentes, quod licet nos causam illam, quae inter honorabile capitulum ecclesiae Waradiensis ab una ac universos cives et mercatores liberarum civitatum nostrarum tam in partibus Transsilvanis quam etiam intra ambitum huius regni nostri Hungariae ubilibet habitarum et signanter inter cives et mercatores Czibieninsis, Brassoviensis, Coloswariensis nec non Budensis, Pestiensis et Cassoviensis, Albensis et Posoniensis civitatum nostrarum liberarum partibus ex alia de et super facto cuiusdam tributi in civitate Waradiensi exigi soliti, coram nostra personali praesentia vertebatur, iuxta continentiam aliarum literarum nostrarum prorogatoriarum superinde confectarum quinto decimo die festi purificationis beatae Mariae virginis noviter praeteriti¹⁾ adiudicare et sine debito terminare debuerimus, partibus hiisdem per eorum legitimos procuratores coram nobis die et termino in eodem comparentibus. Tamen quia nos pluribus et arduis reipublicae et regnorum nostrorum praedictorum negotiis occupati causae huiusmodi adiudicationi ad praesens commode intendere non possumus, eandem igitur causam statu in eodem ac sub omnibus illis conditionibus, clausulis, pactis et articulis, quibus videlicet virtute prorogationis nostrae praedictae coram nobis pendet indecisa, in eiusdem nostrae maiestatis praesentiam nostram scilicet ac praelatorum et baronum nostrorum speciale examen et decisionem finalem ad festum beatorum Philippi et Iacobi apostolorum proxime affuturum²⁾ iterato duximus prorogandam et prorogamus praesentium testimonio mediante. Datum Budae feria quinta proxima post festum beati Mathiae apostoli, anno domini millesimo quadringentesimo septuagesimo septimo, regnorum nostrorum anno Hungariae et cetera vigesimo, Bohemiae vero octavo.

Rechts unten: Lecta


1) Februar 16.^{^}
2) Mai 1. ^{^}