Urkunde Nr. 4181 aus Band VII

Seite im UB:

135-136

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 33.

Druckvorlage:

nach Original

Abdruck als:

Volltext

Sprache:

Latein

---

4181

Desch 1477 März 31 Michael de Barach ersucht den Hermannstädter Bürgermeister Altemberger, für die Besitzungen der Abtei Egresch die Steuer von einem Goldgulden bereit zu halten.

Egregie vir domine et fautor mi honorande. Venit hodie ad nos is Gywrko familiaris vester nomine vestro et petivit dominum praepositum et me, ut [S. 136] contributionem unius floreni auri de possessionibus abbatiae de Egres provenire debentem infra exitum vestrum ad dominum regem non exigeremus. In quibus voluntatem vestrae dominationis feci, sed cum maxima difficultate potui ad hoc inducere dominum praepositum, qui nullo modo huic petitioni vestrae consentire volebat. Ideo rogo dominationem vestram nultum diligenter, quatenus pecunia quae de illis quatuor possessionibus provenire deberet sit apud vos parata et dum exituri erimus, adhibeatis diligentiam coram regia maiestate vel domino thesaurario, ut nos possimus in hac parte esse expediti. Ceterum sciat dominatio vestra, quod dominus praepositus est illius intentionis, quod vellet exigi facere contributionem etiam de possessionibus ecclesiae Cibiniensis abbatiae de Kercz et Weresthoron. Ideo cogitetis de remedio quid sit faciendum. Valeat dominatio vestra feliciter, cui me commendo tamquam bono domino et amico meo. Ex Dees feria secunda proxima post dominicam Ramispalmarum, anno et cetera LXXVII.

Vester Michael de Barach manu propria.

Auf der Rückseite Adresse: Egregio domino Thomae Altemberger, magistro civium civitatis Cibiniensis domino et fautori meo honorando.