Urkunde Nr. 4187 aus Band VII

Seite im UB:

138-139

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 377.

Druckvorlage:

nach Original

Abdruck als:

Volltext

Sprache:

Latein

---

4187

Ofen 1477 Mai 14 König Matthias unterstellt die Kerzer Abtei samt ihren Besitzungen der "Propstei" der hl. Jungfrau Maria in Hermannstadt.

Nos Mathias dei gratia rex Hungariae, Bohemiae et cetera significamus tenore praesentium quibus expedit universis, quod cum nos ex debito nostri regiminis et veri patroni iure, ad quod divinitus summus praeordinati tam ecclesiarum commoditatibus, quam civium nostrorum quieti teneamur aequo dispensationis moderamino providere et eorum dispendiis debito opitulamine succurrere. Attentis itaque et consideratis multis ac magnis oppressionibus fidelium nostrorum dilectorum circumspectorum et prudentum civium et inhabitatorurn civitatis nostrae Cibiniensis, nec non Saxonum septem et duarum sedium Saxonicalium partium nostrarum Transsilvanarum, quae videlicet a certis retroactis temporibus iidem et dissoluta vita et pravis actibus abbatum monasterii de Kercz hactenus susceperunt, sed et illam animadvertentes damnabilem factionem quam alias quidam Raymundus epis- [S. 139] copus titularis de ipsa abbatia, dum teneret in commendam contra eos exercitaverat, quae nisi a nostra maiestate maturo tempore congrua provisione intercipi ac restringi potuisset, levi occasione malum id particulare in communem totius patriae illius calamitatem sine dubio transivisset. Displicuit etiam vehementer nobis magna desolatio ipsius abbatiae, quam propter labefactatos mores et vitam reprobam incuriamque abbatum suorum et eam incolentium, tam in structuris et aedificiis, quam in possessionibus et praediis, necnon rebus ad divinum cultum pertinentibus suscepit. Quaequidem non potuimus, sicuti nec debuimus cum honestate et salute nostris peramplius tollerare, sed utrique malo per accommoda remedia curavimus opportune mederi. Abbatiam igitur praetacti monasterii de Kercz simul cum omnibus suis possessionibus, iuribus, proventibus, emolumentis et utilititatum cunctarum integritatibus, quocumque nominis vocabulo appellatis, ad praeposituram ecclesiae beatae Mariae virginis in praetacta civitate nostra Czibiniensi fundatae in perpetuam duximus annectendum et adiungendum ditionem et proprietatem, immo annectimus et adiungimus per praesentes ex demique conditione quond cives ipsi de Czibinio super hac nostra annexione a sanctissimo domino nostro papa et¹⁾ sancta sua sede apostolica consensum benivolum et confirmationem procurare et integrare debeant et teneantur. Et quod in abbatia eadem semper tres presbyteros vita, moribus et conversatione commendabiles teneant, qui diebus singulis divina officia bono modo et ordine sineque omni negligentia peragant, in praetitulataque ecclesia praepositurae Czibiniensis singulis feriis quintis, perpetuis semper successivis temporibus missam de sacratissimo corpore Christi per nostrae et nostrorum omnium animarum salute celebrandam disponant. In quorum omnium pramissorum robur et testimonium sempiternum praesentes literas nostras pendentis et authentici secreti siglli nostri, quo ut rex Hungariae utimur, munimine roboratas praefatis civibus nostris et eorum communitati duximus concedendas. Datum Budae in vigilia festi ascensionis domini, anno eiusdem millesimo quadringentesimo septuagesimo septimo, regnorum nostrorum anno Hungariae et cetera vigesimo, Bohemiae vero nono.

Von der Kanzlei: Relatio G. praepositi Q. thesaurarii.

Auf der Rückseite von der Hand des Christian Pomarius: Donatio abbatiae Kercz ab praeposituram Cibiniensem Mathiae regis.


1) Über der Zeile.^{^}