Urkunde Nr. 4196 aus Band VII

Seite im UB:

144

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 131 a.

Druckvorlage:

nach Original

Abdruck als:

Volltext

Sprache:

Latein

---

4196

Ofen 1477 Juni 8 König Matthias ermächtigt den Bistritzer Rat, in Hattertstreitigkeiten die Grenzen der Distriktsgemeinden festzulegen.

Von der Kanzlei: Commissio propria domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes universis quibus expedit, quod cum inter illas villas et possessiones, quae in pertinentiis civitatis nostrae Bistriciensis adiacent ratione earundem territoriorum et metarum saepius discordias et controversias oriri et suscitari intelligamus, velimusque providere, ne ex huiusmodi controversiis interdum maiora oriantur pericula, accepta supplicatione fidelium nostrorum circumspectorum iudicis et iuratorum civium eiusdem civitatis nostrae Bistriciensis, eisdem id duximus annuendum et concedendum, ut dum et quotienscumque inter praefatas possessiones et villas ratione dictorum territoriorum et metarum discordiae et controversiae orirentur, ipsi iudex et cives civitatis nostrae praefatae huiusmodi metas et territoria secundum deum et eius iustitiam favore prece et pretio quibuslibet se motis, inter ipsas possessiones et villas discordandi, revidendi, discernendi et omnino rectificandi habeant potestatis facultatem, immo annuimus et concedimus harum nostrarum vigore et testimonio literarum mediante. Datum Budae die dominico proximo post festum sacratissimi corporis Christi, anno domini millesimo quadringentesimo septuagesimo septimo, regnorum nostrorum Hungariae et cetera anno vigesimo, Bohemiae vero nono.

Auf der Rückseite: Facultas civium super discernendis territoriis. [S. 145]