Urkunde Nr. 4197 aus Band VII

Seite im UB:

145

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 132.

Druckvorlage:

nach Original

Abdruck als:

Volltext

Sprache:

Latein

---

4197

Ofen 1477 Juni 8 König Matthias trägt dem siebenbürgischen Bischof Ladislaus auf, das Patronatstecht des Rates von Bistritz über Mettersdorf zu achten.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fideli nostro reverendo domino Ladislao electo ecclesiae Albensis Transsilvanae salutem et gratiam. Ex querelis fidelium nostrorum circumspectorum iudicis et iuratorum ceterorumque civium civitatis nostrae Bistriciensis accepimus, quomodo vos ipsos in eorum iure patronatus, quod nos alias eis super eligendo, nominando et praesentando plebano in plebaniam parochialis ecclesiae de Nagdemeter contulissemus, in quam etiam iam pridem ipsi quendam discretum et idoneum presbiterum vigore huiusmodi iuris patronatus elegissent et praesentassent, iam secundo impediretis et turbaretis ita, quod quendam magistrum Paulum ut dicitur secretarium cancellarium illustris dominae Elizabeth genitricis nostrae intrudere in eandem plebaniam velletis in praeiudicium ipsorum civium nostrorum et derogamen iuris patronatus eorundem valde magnum. Unde nos accepta supplicatione ipsorum civium nostrorum nobis superinde facta, volentes ipsos in praescripto iure patronatus omni eo iure quo semel eis contulimus conservare, mandamus fidelitati vestrae harum serie firmiter, quatenus receptis praesentibus cosdem cives nostros in praetacto iure patronatus per nos eis modo praemisso collato impedire nullo modo praesumatis, quin potius illum plebanum, quem ipsi ut praefertur in eandem plebaniam elegerunt, eis in ipsa plebania vestra ordinaria auctoritate canonice instituere et confirmare vel per vestrum vicarium confirmari facere et sibi de eadem bleno iure providere debeatis. Secus non facturi praesentibus perlectis exhipenti restituis. Datum Budae in dominica proxima post festum corporis Christi, anno eiusdem millesimo quadringentesimo septuagesimo septimo, regnorum nostrorum anno Hungariae et cetera vigesimo, Bohemiae vero nono.