Urkunde Nr. 207 aus Band I

Seite im UB:

146-147 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Original

Abdruck als:

Volltext

Sprache:

Latein

---

207

1284 Dezember 21 Rolandus, Woiwode von Siebenbürgen, bestätigt den Deutschen zu [Desch / ] Deés die denselben von König Stephan und König Ladislaus IV. verliehene eigene Gerichtsbarkeit. [S. 146]

Nos Rolandus vaivoda Transsiluanus, comes de Zonuk memoriae commendantes significamus quibus expedit universis praesentium per tenorem, quod nos hospites de villa Deeswaar dimisimus et reliquimus permanere pacifice in eisdem libertatibus, quas in privilegiis domini Stephani regis piae memoriae et domini nostri Ladizlai incliti regis Hungariae super libertatibus praedictorum hospitum confectis per eosdem hospites nobis exhibitis et perlectis plenius vidimus contineri, quemadmodum etiam temporibus aliorum vaivodarum Transsiluanorum antecessorum nostrorum, sicut in literis patentibus eorundem ipsis hospitibus super hoc concessis et nobis exhibitis contineri vidimus, dicti hospites in suis libertatibus per praedictos reges eisdem concessis atque traditis dignoscuntur permansisse, ita videlicet, quod comes de Zonuk, qui pro tempore per nos fuerit constitutus vel officialis sive viceiudex eiusdem in nullo articulo causarum quocumque modo inter ipsos hospites emergentium, eosdem valeat iudicare vel aliquatenus perturbare contra formam privilegiorum regum praedictorum, sed omnes causas inter ipsos emergentes villicus eorum, qui pro tempore per eosdem constitutus fuerit, iudicandi liberam et securam habebit facultatem. Si vero villicus ipsorum aliquibus extraneis iustitiam facere denegaret, ex tunc ipse villicus ad regiam vel ad nostram praesentiam super hoc evocetur, ut omnibus querelantibus de eodem per dominum regem vel per nos iustitiae complementum ordine iudiciario impendatur. Datum in Deeswaar, in festo beati Thomae apostoli, anno domini M^o. CC^o. octuagesimo quarto.


a) Seitenumbruch nach Kopfregest.^{^}