Urkunde Nr. 4202 aus Band VII

Seite im UB:

148-149

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 30 217.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

4202

Weissenburg 1477 September 5 Der Woiwode Petrus Gereb de Wingarth ersucht das Weissenburger Kapitel die Klagen der Gattin Sebastian Orzaags gegen die Witwe und den Sohn des Nicolaus iunior de Wyzakna zu untersuchen.

Amicis suis honorandis capitulo ecclesiae Albensis Transsilvanae Petrus Gereb de Wingarth vaivoda Transsilvanus et comes Siculorum amicitiam paratam cum honore. Dicitur nobis in personis nobilium dominae Magdalenae consortis Sebastiani Orzaag, filiae videlicet quondam Nicolai senioris de Wyzakna et Ladislai Rykalphy, filii eiusdem necnon Petri filii et Elenae puellae filiae nobilis Ladislai de Bogath, quomodo nobilis domina Katherina relicta et Franciscus filius quondam Nicolai iunioris de dicta Wyzakna, nescitur se iuncti quali auctoritate praeter omnem iuris ordinem totales et integras portiones possessionarias dictorum exponentium in possessionibus Wyzakna praefata necnon Hydegwyss, Myhalfalwa, Wezzewd, Wyfalw. Also Bolya, Felsew Bolya, Saardorph, Syalko, Indagaal, Farkastelek, item Feyereghaaz et Indagaal Valahicali in Albensi necnon Iwdych in de Kykellew comitatibus existentibus habitas ipsos exponentes hereditario iure concernentes necnon universas literas et quaelibet literalia instrumenta factum iurium praedictarum portionum possessionariorum tangentes et concernentes a tempore mortis praefati quondam Nicolai senioris occupative erga se detinuissent et detinerent etiam de praesenti nec easdem et eadem ad plurimas requisitiones ipsorum exponentium remittere et resignare reddere et restituere curavissent prout non curarent de praesenti, in quibus praefatis exponentibus mille florenorum auri dampna intulissent potentia mediante in praeiudicium [S. 148] et dampnum eorundem exponentium valde magnum. Super quo amicitias vestras praesentibus requirimus diligenter quatenus vestrum mittatis hominem pro testimonio fidedignum quo praesente Paulus vel Albertus Syley aut Elyas de Galthew sive Petrus Gereb de Sarpathak neve Gregorius Kwchar seu Sigismundus de Gald sin Paulus Gereb de Pokafalwa aut Valentinus Syley de Pethend sive Gregorius Sywlyok de Zanchal vel Elias Zevk de Zewkefalwa sin Valentinus vel Gregorius de Hozzywazo, aliis absentibus homo noster, scita prius praemissorum mera veritate ad praefatos dominam Katherinam et Franciscum filium eiusdem personaliter accedendo ammoneat eosdem dicatque et committat eisdem verbo nostro ut ipsi¹⁾ praedictas portiones dictorum exponentium possessionarias in praedictis possessionibus eosdem exponentium concernentibus erga eosdem dominam Katherinam et Franciscum modo praemisso occupative existentes remittere et resignare necnon literas et literalia instrumenta factum earundem portionum possessionariorum tangentes et concernentes ipsis exponentibus reddere et in specie restituere debeant et teneantur. Qui si id fecerint benequidem, alioquin idem homo noster praesente dicto vestro testimonio eosdem ab ulteriori detentione et conservatione earundem fructuumque et quarumlibet utilitatum ipsarum perceptione et percipi factione inhibeat et nichilominus eosdem dominam Katherinam et Franciscum contra annotatos exponentes ad octavas festi beati Michaelis archangeli nunc venturas²⁾ dictas literas et literalia instrumenta exhibituras rationique de praemissis reddituras efficacem nostram evocet in praesentiam litis pendentis si qua foret inter ipsos non obstantibus, insinuando ibidem eisdem ut sive ipsi octavis in praedictis compareant coram nobis sive non, nos ad partis comparentis instantiam id faciemus in praemissis, quod iuri videbitur expedire, et post haec huiusmodi inquisitionis³⁾, ammonitionis, inhibitionis, evocationis et insinuationis seriem et diem cum nominibus ammonitorum et evocatorum nobis octavas ad praedictas in vestris literis amicabiliter rescribatis. Datum Albae feria sexta proxima ante festum nativitatis beatae Mariae virginis. anno domini millesimo quadringentesimo septuagesimo septimo.


1) Über der Zeile.^{^}
2) Oktober 6.^{^}
3) Vorlage inquisiacionis. ^{^}