Urkunde Nr. 4204 aus Band VII

Seite im UB:

151-152

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 690.

Druckvorlage:

nach Original

Abdruck als:

Volltext

Sprache:

Latein

---

4204

Weissenburg 1477 September 15 Der siebenhürgische Woiwode Peter Gereb entscheidet einen Streit zwischen dem ehemaligen Törzburger Kastellan Emericus Zolyomy, dem die Bewohner von Zărneşti einige Familiaren getötet haben, und dem Kronstädter Rat, und setzt das Wergeld fest.

Nos Petrus Gereb de Vyngarth vaivoda Transsiluanus et comes Siculorum memoriae commendamus quod feria secunda alter videlicet die festi exaltationis sanctae crucis¹⁾ coram nobis Albaegywlae constitutis comparuerunt nobilis Emericus Zolyomy pridem castellanus castri Thewrch ab una necnon circumspecti Valentinus Sermel et Augustinus cives civitatis Brassouiensis in ipsorum ac circumspectorum iudicis et iuratorum civium civitatis nominibus et in personis ab alia partibus, praefatusque Emericus Zolyomy contra annotatos iudicem et cives dictae civitatis proposuit eo modo: Quod dum circa festum assumptionis beatae Mariae virginis proxime praeteritum²⁾ ipso adhuc in officio castellanatus praedicti castri Thewrch existente, quidam nobilis Nicolaus de partibus inferioribus versus Hathzak, necnon Stephanus et Jacobus familiares sui ex eiusdem Emerici domini ipsorum commissione et voluntate in custodia et observatione viarum sinistrarum dicti castri, sicuti tenebantur, fuissent constituti. Tunc praefati iudex et cives dictae civitatis [S. 152] Brassouiensis, nescitur quibus intuitis, missis et destinatis hominibus ipsorum universitatae videlicet incolarum possessionis Zerna vocatae ad dictam civitatem pertinentis, manibus armatis et potentialiter ad eosdem ipsosque in custodia et observatione praedictarum viarum sinistrarum inter metas dicticastri et iamfatae possessionis Zerna repertos, dicti incolae ipsius possessionis Zerna crudeli et miserabili nece interimissent, in eiusdem Emerici maximum praeiudicium atque damnum. Petebat igitur idem Emericus sibi de et super praemissis ex parte iamfatorum iudicis et civium antefataeque possessionis Zerna incolarum per nos iudicium et iustitiam ministrari. Quo audito, praelibati Valentinus Sermel et Augustinus cives, nominibus et in personis quorum supra responderunt ex adverso, quod licet dictis tribus familiaribus ipsius Emerici, uti idem proposuit, per incolas antefatae possessionis Zerna modo praemisso in silva mori³⁾ acciderit, non tamen iidem incolae hoc sinistra et mala intentione praeconcepta, sed quodam casu dictorum interfectorum notitiam non habentes eosdemque ad dictum castrum Thewrch pertinere ignorantes, sed ipsos malefactores et raptores fore arbitrandum perpetrassent et commississent, quorumquidem necem nec ipsi iudex et iurati cives simpliciter volentes praeterire. Ex parte praedictorum incolarum possessionis Zerna annotato Emerico Zolyomy tale iudicium ministrassent ut si ceteri familiares eiusdem Emerici qui tunc cum praefatis interemptis praesentes fuerunt, iuramentum super eo deposuerint, quod dicti incolae possessionis Zerna rixam ipsam ceptis armis contra ipsos familiares dicti Emerici inchoaverint et eosdem primo invaserint, extunc iidem incolae ad integram solutionem homagiorum dictorum familiarium interemptorum pro singulo videlicet et uniuscuiusque homagio quadraginta florenorum auri eidem Emerico exsolvere⁴⁾ teneantur. Si vero iidem familiares dicta ipsorum iuramenta super praemissas deponere noluerint, extunc medietatem tantum ho-agii uniuscuiusque et singulorum interemptorum iidem incolae teneantur. Ipse vero Emericus Zolyomi asserens de huiusmodi iudicio noluisse neque velle contentari, iudicium per nos sibi in praemissis elargiri postulavit. Nos igitur unacum nonnullis partium Transsiluanarum nobilibus nobiscum in examine huius causae existentibus matura superinde deliberatione praehabita, quia praescriptos familiares ipsius Emerici in custodia et observatione viarum sinistrarum praedicti castri Thewrch merito et digne occupari et(5) easdem(3) custodiri debuisse, ac universos super eisdem proficiscentes tamquam furtim et non recto itinere ambulantes invadere potuisse comperimus. Ideo nos iudicium dictorum iudicis et iuratorum civium per eos ut assertum est in praemissis ministratum et celebratum cassando indicantes commisimus eo modo, ut praefati incolae possessionis Zerna ad solutionem integrorum homagiorum antefatorum interemptorum familiarum ipsius Emerici Zolyomy quintodecimo die diei datarum praesentium eidem Emerico teneantur. Et dicti iudex et iurati cives Brassouienses eosdem in eodem termino ad solutionem huiusmodi homagiorum pro uniuscuiusque videlicet interempti homagio quadraginta florenos auri absque prorogatione aliquali compellere debeant et teneantur. Si vero ipse Emericus Zolyomy praenotatum Nicolaum familiarem suum interemptum nobilem fuisse comprobare potuerit, extunc pro eiusdem homagio dicti incolae sexaginta sex florenos auri exsolvere(4) teneantur. Datum Albaegywlae termino in praescripto feria videlicet secunda proxima post festum exaltationis sanctae crucis, anno domini millesimo quadringentesimo septuagesimo septimo. [S. 153]


1) September 15.^{^}
2) August 15.^{^}
3) Über der Zeile nachgetragen.^{^}
4) Vorlage exolvere. ^{^}