Urkunde Nr. 4233 aus Band VII

Seite im UB:

164-165

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 26 425/1.

Druckvorlage:

nach Original

Abdruck als:

Volltext

Sprache:

Latein

---

4233

Klausenburg 1478 Januar 21 Der Vizewoiwode Anthonius de Kend ersucht den Konvent von Kolozsmonostor, bei der Einführung des Emericus Forgach und dessen Gattin u.a. in Besitzanteile von Martinsdorf, Petersdorf, Repafalwa, Kleinenyed und Zekeschdorf mitzuwirken.

Amicis suis reverendis conventui ecclesiae de Closmonostra Anthonius de Kend, vicevaivoda Transsilvanus, amicitiam paratam cum honore. Dicitur nobis in persona Emerici Forgach de Berekzo et nobilis dominae Elyzabet [S. 165] vocatae, consortis eiusdem, filiae videlicet quondam Georgii de Thathe, quod licet ipsi exponentes totales portiones possessionarias eiusdem quondam Georgii de Thathe in possessionibus Thathe praedicta ac Bekenzeg, Ozd, Marthonthelke, Petherfalwa, Repafalwa, Kys-Enyed et Sekes vocatarum, omnino in comitatu Albensi existentibus aput¹⁾ manus Nicolai de Gerend, nobili dominae Annae consortis, ac Petri, Nicolai et Johannes filiorum eiusdem tentas, in octavis festi beati Georgii martiris proxime celebratis²⁾ adversus eosdem terminos legittimos completendi vigore eorundem terminorum complectionis pro se iuxta nostram iudiciariam commissionem per nostrum et capituli Albensi³⁾ homines statui fecerunt, tamen praefati Nicolaus de Gerend ac domina Anna consors et Petrus filius eiusdem easdem portiones possessionarias in⁴⁾ possessionibus Thathe⁵⁾ ac Bekenzeg, Ozd, Marthonthelke, Petherfalwa, Repafalwa, Kys-Enyed et Sekes vocatis praelibatis exponentibus statutas et legittime commissas a manibus eorundem exponendum auctoritate propria et temerita⁶⁾ ducti rursus pro se ipsis occupassent occupatasque tenerent et conservarent etiam de praesenti ipsos exponentes de dominio eorundem penitus excludendo, in quibus praefatorum exponentium quadringentorum florenorum auri dampna commisissent potentia mediante in praeiudicium eorundem valde magnum. Super quo amicitiam vestram praesentibus petimus diligenter, quatenus vestrum mittatis hominem, pro testimonio fidedignum, quo praesente Paulus de Gyergfalwa vel Emericus Theke aut Benedictus Magnus de Zwchak, aliis absentibus, homo noster scita³⁾ prius³⁾ praemissorum³⁾, evocet praelibatos Nicolaum de Gerend et dominam Annam consortem ac Petrum, Nicolaum et Johannem filios eiusdem ad octavas festi⁷⁾ nativitatis beati Johannis baptistae nunc venturas⁸⁾ contra annotatos exponentes nostram in praesentiam ratione praemissorum reddituros litis pendentis, si qua foret inter ipsos non obstante, insinuanda eidem eisdem ut sive ipsi octavis in praedictis coram nobis compareant sive non, nos ad partes comparere instantes id faciemus in praemissis quod iure videbitur expediri. Et post haec huismodi inquisitionis³⁾, evocationis et insinuationis seriem ut fuerit expediens nobis octavas in praedictas amicabiliter rescribatis. Datum in Clwswar feria quarta proxima post festum beati Anthonii confessoris, anno domini millesimo quadringentesimo septuagesimo octavo.

Anf des Rückseite Adresse: Amicis suis reverendis conventui ecclesiae de Closmonostra pro Emerico Forgach de Berekzo ac domina Elyzabeth consorte eiusdem contra Nicolaum de Gerend et alios intrascriptos ad octavas festi Nativitatis beati Johannis baptistae⁸⁾, inquisitoria, evocatoria et insinuatoria.

Anf des Rückseite gleichzeitig: Homo vaivodalis Benedictus de Zuchak, noster frater Ambrosius. Executio facta feria quarta proxima post festum⁹⁾ Viti et Modesti martirum¹⁰⁾, Nicolaum de Gerend in Banabiky portionem suam possessionariam ad octavas festi beati Johannis⁸⁾. [S. 166]


1) So Vorlage. ^{^}
2) 1476 April 30.^{^}
3) Über der Zeile. [5x]^{^}
4) Folgt dictis gestrichen.^{^}
5) Folgt dictam gestrichen.^{^}
6) Gebessert aus temeritatis.^{^}
7) Folgt Epiphan gestrichen.^{^}
8) Juli 2. [3x]^{^}
9) Folgt Blasii, gestrichen.^{^}
10) Juni 18.^{^}