Urkunde Nr. 4234 aus Band VII

Seite im UB:

166

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 37.

Druckvorlage:

nach Original

Abdruck als:

Volltext

Sprache:

Latein

---

4234

Marktschelken 1478 Januar 28 Der siebenbürgische Woiwode Petrus Gereb gestattet Richter und Rat von Kronstadt, die Bojaren aus des Walachei in Kronstadt aufzunehmen.

Nos Petrus Gereb de Wyngarth vaivoda Transsiluanus ac comes Siculorum vobis circumspectis iudici iuratisque consulibus civitatis Brassouiensis salutem. Commoda regni, pariter et dispendia in nostro revolventes animo id ex nostra speciali benevolentia annuimus et concessimus immo concedimus per praesentes, quatenus a die datarum praesentium quemcunque vel quoscunque boyaronem seu boyarones vel alterius cuiusvis status maioris aut minoris praeeminentiae homines Walachos partium regni Transs Alpinarum, quos scilicet volueritis assecurare, affidare ac in vestri medium simul cum consortibus, liberis ac tota familia eorundem necnon rebus et bonis quibuslibet recipere et acceptare, cum eisdem conversare morare, tractare, tamdiu quousque fuerit necesse. Et tandem dum maluerint ipsos salvis rebus et personis eorundem absque impedimento et perturbatione ad propria redire permittere et permitti facere in persona et auctoritate nostris vobis in hac parte attributa mediante possitis et valeatis sub confidentia praesentis nostrae annuentiae effectivae vobis concessae, quam ad fidem nostram christianam pollicemur inviolabiliter observare. Caventes tamen, ne aliquod tradimentum exinde vobis et regno evenire contingat modo aliquali. Datum in Naghselk feria quarta proxima post festum conversionis beati Pauli apostoli, anno domini milesimo quadringentesimo septuagesimo octavo.

Auf der Rückseite, von der Hand des gleichzeitigen Kronstädter Stadtnotars (Magister Paulus?): Litera Petri Greb super salvo conducto boyeronum nobis datis.