Urkunde Nr. 4236 aus Band VII

Seite im UB:

167-168

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 27 707.

Druckvorlage:

nach Original

Abdruck als:

Volltext

Sprache:

Latein

---

4236

Mühlbach 1478 Februar 17 Der Woiwode Petrus Gereb ersucht den Konvent von Kolozsmonostor bei der Einführung des Petrus Horwath von Hermannstadt in Besitzanteile von Fägendorf, Lunca und Loderman mitzuwirken.

Amicis suis reverendis conventui ecclesiae beatae Mariae virginis de Closmonostra Petrus Gereb, vaivoda Transilvanus ac comes Siculorum, amicitiam paratam cum honore. Dicitur nobis in persona egregii Pauli Horwath de Cibinio, quod ipse in dominium vigintiquinque locorum sessionalium¹⁾ iobagionalium in dominio Nicolai Literati inclusa in possessione Mykezazya, item totalium possessionum Thothfalu et Lodorman vocatarum egregii Sebastiani Orzaag de Gwth in comitatu de Kykwllew existentium habitarum ac directae medietatis silvarum²⁾ ad dictam possessionem Mykezazya pertinentium necnon quinquaginta iugerum terrarum arabilium ad propriam curiam dicti Sebastiani Orzog in dicta Mykezazya habitam spectantium ipsum exponentem titulo pignoris concernentium legitime vellet introire. Super quo amicitiam vestram praesentibus petimus diligenter quatenus vestrum mittatis hominem pro testimonio fidedignum quo praesente Georgius de Hozywazo vel Franciscus de Isthenmezeye aut Andreas Porcolab de Petherfalwa seu Georgius sive Nicolaus Pwon³⁾ de Rakovycz, aliis absentibus, homo noster, ad facies praescriptarum vigintiquinque locorum sessionalium iobagionalium in dicta Mikezazya habitarum, possessionumque Thothfalw et Lodormaan vocatarum necnon directae medietatis silvarum ac quinquaginta iugerum terrarum arrabilium praenarratarum vicinis et commetaneis earundem universis inibi legitime convocatis et praesentibus accedendo, introducat memoratum Paulum Horwath in dominium earundem statuatque easdem eidem simulcum cunctis suis utililatibus et pertinentiis quibuslibet in praemisso pignoris titulo sibi incumbente perpetuo possidendas si non fuerit contradictum. Contradictores vero si qui fuerint evocat eosdem contra annotatum Paulum Horwath ad terminum competentem nostram in praesentiam ratione contradictionis eorum reddituros; et post haec huismodi introductionis et statutionis seriem cum contradictorum et evocatorum, si qui fuerint, vicinorumque et commetaneorum qui praemissae statutioni intererunt nominibus terminoque assignato ut fuerit expediendum nobis amicabiliter suo modo rescribatis. Datum in opido Zaazsebes feria tertia proxima post festum beati Valentini martiris, anno domini et cetera LXX^mo octavo. [S. 168]

Auf der Rückseite Adresse: Amicis suis reverendis conventui ecclesiae beatae Mariae de Closmonostra pro egregio Paulo Horwath de Cibinio, introductoria et statutoria.

Auf der Rückseite gleichzeitiger Kanzleivermerk: Homo Georgius de Hozyaza, noster frater Ladislaus sacerdos. Executio facta est in dominica Laetare⁴⁾ nomine contradictore apparente. Datis sedecimo die diei introductionis et statutionis praedictarum, anno domini supraedicto⁵⁾.


1) Gebessert aus sessionelium. ^{^}
2) Gebessert aus silvorum.^{^}
3) Lesung unsicher.^{^}
4) März 1.^{^}
5) März 16.^{^}