Urkunde Nr. 4238 aus Band VII

Seite im UB:

169-170

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Zünfte [Colecţia Bresle] (Inventar 784-786), mittelalterliche Sammlung Nr. 1.

Druckvorlage:

nach Original

Abdruck als:

Volltext

Sprache:

Latein

---

4238

1478 März 12 Richter und Rat von Klausenburg bestätigen im Rechtstreit zwischen dem Pfarrer Gregorius Slewnig und dem Schneider Ambrosius aus Klausenburg die Urkunde des Klausenburger Rats von 1423.

Nos Andreas Kenez dictus iudex¹⁾ et iurati consules civitatis Coloswariensis memoriae²⁾ commendamus tenore praesentium significantes quibus congruit universis quod motae fuerant instar litis controversiones et altercationes inter venerabilem dominum Gregorium Slewnig, utriusque iuris baccalaureum plebanum videlicet nostrae ecclesiae parochialis, ab una, partibus vero ab altera honestum Ambrosium sartorem, cohospitem nostrae civitatis, ratione et praetextu erectionis conservationisque cisternae seu canalis inter domus praefatorum domini plebani et ipsius Ambrosii sartoris habitae, tandem ipse Ambrosius et cetera laudabiles literas sigillo maiori civitatis subappenso nostrae signatas temporibus praedecessorum nostrorum iuste, rite et legaliter emanatas exhibuit super conservatione denotatae cisternae inter cetera sonantes.Quibus exhibitis, ipse dominus plebanus eas per nos transsumi et transscribi facere ortatus est honore quo decuit; quarum tenor is est: Folgt die Urkunde des Klausenburger Rates von 1424 Nr. »409 (zu 1323) Unde nos memorati iudex et consules³⁾ ipsius domini Gregorii et cetera, plebani nostri legittimi praecibus debitis benigniter inclinati, praescriptas literas rebus super praemissis et causis quibus supra non abrasas nec cancelatas temporibus praedecessorum nostrorum emanatas, praesentibus litteris nostris autenticis transscriptas atque transsumptas iuris ipsius domini plebani ad cautelam duximus concedendas. Datas feria quinta in festo videlicet beati Gregorii papae, anno domini millesimo quadringentesimo septuagesimo octavo.

Unten rechts: Johannes Dobo notarius.

Auf der Rückseite von gleicher Hand: Anno domini 1478 tempore iudicatus providi Andreae Kenez dicti, quod quia honorabilis dominus Gregorius Slewnig, decretorum et artium baccalaureus plebanus huius civitatis Coloswar, propter pacem et honorem curiae plebaniae illum murum in curia versus curiam providi Ambrosii sartoris situatam propriis suis expensis sine aliqua contributione vel subsidio ipsius Ambrosii aedificavit et astruxit. Ideo ipse Ambrosius in huiuscemodi amicitiae recompensam tamquam verus ipsius domus heres et condam providi Benedicti sartoris legitimus filius, ipsi domino Gregorio plebano et suis successoribus illam magnam fenestram cancellatam quae lucem ad ambitum sacerdotum dirigit amicabiliter aedificare et construere permisit et consensit contradictione absque ulla, anno supradicto. [S. 170]

Auf der Rückseite Kanzleivermerk: Haec lilera continet quod canale seu stillicidium versus vicinium a parte meridionali huius dotis ecclesiae beati Michaelis de Cluswar paribus laboribus et expensis conservari debeat.


1) Bis hierher verlängerte Schrift.^{^}
2) M.. in verlängerter Schrift.^{^}
3) Von Unde verlängerte Schrift.^{^}