Urkunde Nr. 4267 aus Band VII

Seite im UB:

188

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. A A Nr. 7.

Druckvorlage:

nach Original

Abdruck als:

Volltext

Sprache:

Latein

---

4267

Ofen 1478 August 17 König Matthias verbietet allen Rechtsinhabern Ungarns, die Bewohner von Klausenburg auf Handelsreisen vor ihre Gerichte zu ziehen, da ihre Rechtsfälle in Klausenburg entschieden werden müssen.

Von der Kanzlei: De commissione domini regis.

Mathias dei gratia rex Hungariae, Bohemiae et cetera universis et singulis praelatis, baronibus, comitibus, castellanis, nobilibus ipsorumque officialibus, item civitatibus, opidis et villis earumque rectoribtis, iudicibus et villicis cunctis etiam aliis cuiusvis status et conditionis hominibus intra ambitum huius regni existentibus quibus praesentas ostenduntur salutem et gratiam. Cum iusti pro iniustis et innoxii pro reorum exessibus non debeant aliquatenus impediri, fidelitati igitur vestrae firmiter praecipiendo mandamus, quatenus dum et quando et quotienscumque fideles nostri prudentes et circumspecti cives et inhabitatores civitatis nostrae Koloswar aut alter eorum homines seu familiares ipsorum praesentium ostensores pro victuum suorum necessaria aquisitione diversos partes regni nostri perlustrantes cum rebus et mercibus ipsorum ad vestras terras tenutas, possessiones, honores, officiolatus ac vestri in medium pervenerit, extunc ipsos hominesque et familiares ipsorum praetactos et quorumvis instantiam in personis iudicare vel vestro astare iudicatui compellere resque et quaelibet ipsorum mercimonialia arestare seu prohiberi facere nusquam et nequaquam praesumatis nec sitis ausi modo aliquali, signanter pro debitis delictis seu excessibus aliorum. Si qui enim quitque actionis vel quaestionis contra annotatos civibus et inhabitatoribus dictae civitatis nostrae Koloswar aut alterum eorum homines seu familiares ipsorum praetactos habent vel habuerint, hii id in praesentia iudicis et iuratorum civium praedictae civitatis nostrae Koloswar legitime prosequamini, ex parte quorum omnibus contra eos quaerulantibus mera iuris et iustitiae ac debitae satisfactionis complementum exhibebunt prout dictaverit ordo iuris. Ubi autem quipiam ex vobis secus in praemissis facere attemptaverit, extunc serie praesentium committimus fidelibus nostris comitibus vel vicecomitibus et iudicibus nobilium illorum comitatuum in quibus fortasse huiusmodi mandata nostra non servarentur, ut ipsi scita prius superinde mera veritate vos et quemlibet vestrum ad praemissa facienda et observanda non sine vestris dampnis et gravaminibus arctius compellant et astringant auctoritate nostra praesentibus ipsis in hac parte attributa et iustitia mediante. Secus non facturi. Praesentibus perlectis exhibenti restitutis. Datum Budae feria secunda proxima post festum assumptionis beatae Mariae virginis, anno domini millesimo quadringentesimo septuagesimo octavo, regnorum nostrorum anno Hungariae et cetera vigesimo primo, Bohemiae vero decimo.