Urkunde Nr. 4272 aus Band VII

Seite im UB:

191-192

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 133.

Druckvorlage:

nach Original

Abdruck als:

Volltext

Sprache:

Latein

---

4272

Ofen 1478 September 1 König Matthias erklärt den Rat von Bistritz als Gerichtshof erster Instanz für alle Bewohner der Stadt und des Distrikts und den Rat von Hermannstadt als Appellationsinstanz.

Von der Kanzlei: Commissio propria domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium¹⁾ significantes quibus expedit universis, quod nos tum inducti nonnullorum fidelium nostrorum humillima supplicatione pro parte et in personis fidelium nostrorum universorum civium et inhabitatorum civitatis nostrae Bistriciensis ac populorum in pertinentiis eiusdem commorantium nostrae propterea porrecta maiestati tum vero ut iidem cives et populi pro utilitate regia numero et opibus eo magis studeant adaugeri, quo se a maiestate nostra maioribus amplioribusque libertatum praerogativis conspexerint decoratos, eisdem de nostra regia libertate ac gratia speciali hanc libertatis praerogativa duximus annuendam et concedendam, ut nos omnino hominum cuiuscumque status et conditionis existat, eos ad curiam nostram regiam, nostram scilicet personalem ac alterius cuiuscumque iudicis et iustitiarii regni nostri secularis praesentiam immediate ita re seu in causam trahere possit, nisi prius causam vel causas contra eosdem motas vel movendas coram iudice et iuratis civibus eiusdem civitatis nostrae legitime prosequatur. Casu vero, quo aliqua partium litigantium iudicio eorundem iudicum et iuratorum civium non contenteretur, talis causam vel causas suas per viam interrogationis, in praesentiam magistri civium ac iudicis et iuratorum civium civitatis nostrae Cibiniensis deducere, de eorum quoque praesentia tandem si opus sit, ad nos immediate vel loco nostri ad magistrum thavernicorum nostrorum et nullus alterius iudicis et iustitiarii regni nostri secularis praesentiam provocare et appellare valeat atque possit, immo annuimus et concedimus et eo quidem libentius et iustius, quod omnes fere aliae civitates partium regni nostri Transsilvanarum huiusmodi liber-[S. 192] tate uti, frui et gaudere, ipsique cives et inhahitatores dictae civitatis nostrae et populi in pertinentiis eiusdem commorantes, hac ipsa libertate usi fuisse perhibentur et gavisi, sed et eo quod alias tempore combustionis ipsius civitatis nostrae literae super hoc et aliis libertatibus eorum confectae igne consumtae fuerant nonnullos his libertatibus ipsorum contraisse. Nos vero ex regali nostro debite, quae sua omnibus reddere tenemur, praenominatum libertatem eisdem civibus et inhabitatoribus praefatae civitatis nostrae Bistriciensis populisque in pertinentiis eiusdem commorantibus restituimus harum nostrarum quibus sigillum nostrum regium appensum est, vigore et testimonio literarum mediante. Datum Budae in festo beati Egidii abbatis, anno domini millesimo quadringentesimo septuagesimo octavo, regnorum nostrorum Hungariae et cetera anno vigesimo primo, Bohemiae vero decimo.


1) Zeile in verlängerter Schrift.^{^}