Urkunde Nr. 4273 aus Band VII

Seite im UB:

192-193

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden Nr. 59.

Druckvorlage:

nach Original

Abdruck als:

Volltext

Sprache:

Latein

---

4273

Ofen 1478 September 4 König Matthias tragt dem siebenbürgischen Woiwoden Petrus Gereb auf, alle Einwohner von Desch, deren Salzschiffe von Untertanen einiger Adligen überfallen wurden, aus den Gütern dieser Adligen zu entschädigen.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fideli nostro magnifico Petro Gereb, vaivodae partium regni nostri Transsilvanarum, salutem et gratiam. Exponitur maiestati nostrae in personis fidelium nostrorum universorum civium et inhabitatorum opidi nostri Dees quod cum alias ipsi per aquam seu fluvium Zamos appellatum cum multis navibus sales regales more solito deorsum conducere habuissent et ad tenuta bonorum magnificorum condam Johannis Pangracz de Dengeleg ac Nicolai Dragfy de Belthewk et condam Johannis Parvi de Zerdahel pervenissent, tunc nonnulli latrones et praedones Wolachi et, ut ex literis magnifici Blasii Magyar tunc vaivodae Transsilvani inquisitorialibus coram nobis in specie productis comperimus, non alii quam iobagiones Wolachi praedictorum Johannis Pongracz ac Nicolai Dragfy et Johannis Parvi de Zerdahel ipsas naves simulcum salibus in eisdem habitis in aquam submersissent ex populis vero et inhabitatoribus praedicti opidi nostri Dees alios interfecissent alios vero ex eis crudeliter verberassent, ubi ipsi plusquam sex milium et¹⁾ quadringentorum¹⁾ florenorum auri dampna percepissent. Quare supplicatum extitit maiestati nostrae pro parte praefatorum exponentium. ut ipsis circa praemissa de remedio providere dignaremur opportuno. Unde nos nolentes ipsos cives nostros taliter dampnificari, mandamus igitur fidelitati vestrae harum serie firmiter, quatenus receptis praesentibus praefatis exponentibus de bonis dictorum condam Johannis Pongracz ac Nicolai Dragfy et Johannis Parvi de dampnis praedictis iuxta veras et legitimas comprobationes eorundem exponentium ac continentias literarum praefati Blasii Magyar plenariam satisfactionem impendere debeatis, auctoritate nostra praesentibus tibi in hac parte attributa et iustitia mediante. Secus non factum. Praesentibus perlectis exhi-[S. 193] benti restitutis. Datum Budae feria sexta proxima post festum decollationis²⁾ beati Johannis baptistae, anno domini millesimo quadringentesimo septuagesimo octavo, regnorum nostrorum Hungariae et cetera anno vigesimo primo, Bohemiae vero decimo.


1) Über der Zeile. [2x]^{^}
2) Vorlage decolationis.^{^}