Urkunde Nr. 4291 aus Band VII

Seite im UB:

203-205

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 392.

Druckvorlage:

nach Original

Abdruck als:

Volltext

Sprache:

Latein

---

4291

Thorenburg 1479 Januar 25 Der siebenbürgische Woiwode Peter Gereb beglaubigt die Urkunde des Konvents von Kolozsmonostor von 1460 Nr. »3212 und entscheidet den Rechtsstreit zwischen Johann von Rothberg und Nicolaus von Gerend um die weiter verpfändete Hälfte der Besitzung Petersdorf. [S. 204]

Nos Petrus Gereb de Wyngarth, vaivoda Transsilvanus ac comes Siculorum, memoriae commendamus, quod Iohannes de Bala pro Iohanne filio quondam Petri de Weresmarth cum procuratoriis literis nostris iuxta continentiam literarum capituli ecclesiae Albensis evocatoriarum et insinuatoriarum in octavis festi Epiphaniarum domini¹⁾ in figura nostri iudicii comparent contra Nicolaum de Gerend proposuit eo modo. Quod licet idem Nicolaus seriebus aliarum literarum nostrarum fassionalium et obligatoriarum exinde confectarum medietatem possessionis Petherfalwa vocatae in comitatu Albensi habitam alias per ipsum Nicolaum ac dominam consortem eiusdem olim Petri de dicta Weresmarth patri dicti actoris titulo pignoris obligatam in octavis festi beati Michaelis archangeli proxime praeteriti²⁾ ab Emerico Forgach et domina consorte eiusdem reobtinendo manibus praefati actoris dare et reassignare debuerit sub ea conditione, ut si ipsam medietatem possessionis Petherfalwa in dicti octavis reappropiando eiusdem actoris manibus assignare non posset, extunc eundem actorem in dominium totalium portionum possessionariarum suarum et filiorum suorum in possessione Marthonthelke vocata habitarum pro quingentis florenis auri titulo pignoris tenendum et utendum intromittere debuerit. Tamen ipse Nicolaus de Gerend non curata sua fassione praenarrata nec medietatem praescriptae possessionis Petherfalwa reobtinere et manibus praefati Iohannis actoris reassignare, sed neque eundem in dominium praetactarum portionum suarum et filiorum suorum possessonariarum in dicta Marthonthelke existentium inromittere iuxta suam fassionem curavisset immo non curare etiam nunc, easdem portionis erga se conservando potentia mediante. Quae praemissa sic fieri debere exhibitione praetaetarum literarum nostrarum fassionalium Thordae quarto decimo die octavarum festi nativitatis beati Iohannis baptistae proxime praeteriti³⁾ patenter confectarum lucide comprobavit. In huius autem declarationem ut praescripta possessio Petherfalwa per praefatum Nicolaum de Gerend et dominam Annam consortem eiusdem saepefato quondam Petro de Weresmarth patri ipsius actoris impignorata fuerit, quasdam literas conventus ecclesiae de Closmonostra impignoratorias patentes nobis demonstravit, hunc tenorem contientes (Folgt die Urkunde des Konvents von Kolozsmonostor von 1460 Nr. »3212). Quo audito Iohannes Herczeg de Olnok pro praefato Nicolao de Gerend cum procuratoriis literis nostris in nostram exurgens praesentiam respondit tali modo. Quod idem Nicolaus in causam attractus praescriptam medietatem annotatae possessionis Petherfalwa propter non celebrationem octavarum dicti festi beati Michaelis archangeli a praelibatis Emerico Forgach et domina consorte eiusdem reobtinere minime voluisset et ea ratione eandem medietatem manibus dicti actoris assignare non potuisset, quam in praesentibus octavis ab eisdem Forgach et consorte eiusdem reobtinens reassignare promptus esset et paratus, immo idem procurator ipsius Nicolai in persona eiusdem virtute procuratoria praemissa remisit nostro in conspectu. Hiis habitis procuratoribusque partium eisdem per nos iudicium praeberi postulantibus, quia praescripta medietas antefatae possessionis Petherfalwa vocatae antefato Iohanni de Weresmarth actori per praefatum procuratorem praelibati Nicolai de Gerend in causam attracti praemissa et reassignata eidem pro praemissis quingentis florenis auri titulo pignoris possidenda vigore praescriptarum literarum antefati conventus de Closmonostra impignoratoriarum praesentibus superius conscriptarum readiudicare et restitui debere nobis ac nonnullis regni dictarum partium nobilibus nobiscum in examine causae praesentis existentibus cernebatur. Quorum [S. 205] inducti consilio saepedictam medietatem possessionis Petherfalwa praedictae simulcum omnibus suis utilitatibus et pertinentiis quibuslibet ad eandem de iure spectantibus et pertinere debentibus praelibato Iohanni de Weresmarth actori pro praedictis quingentis florenis auri titulo pignoris possidendam, readiudicandam ac per nostrum hominem ad id per nos deputandam, contradictione dicti Nicolai et filiorum suorum ac etiam aliorum quorumlibet non obstante, restituere decrevimus immo readiudicamus et restituere decernimus auctoritate nostra iudiciaria et iustitia mediante. Datum Thordae tredecimo die octavarum festi Epiphaniarum domini praedictarum, anno eiusdem millesimo quadringentesimo septuagesimo nono.


1) Januar 13.^{^}
2) Oktober 6.^{^}
3) Juli 14.^{^}