Urkunde Nr. 4297 aus Band VII

Seite im UB:

207-208

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 393.

Druckvorlage:

nach Original

Abdruck als:

Volltext

Sprache:

Latein

---

4297

Klausenburg 1479 März 9 Der iudex curiae Stephan Báthori bezeugt, dass die Entscheidung im Rechtsstreit zwischen der Stadt Hermannstadt und den Adligen Bartholomäus und Nikolaus Dragfi vertagt worden ist.

Nos comes Stephanus de Bathor, iudex curiae serenissimi principis domini Mathiae dei gratia regis Hungariae, Bohemiae, Dalmaciae, Croaciae et cetera memoriae commendamus, quod circumspecti Lodovicus Stromar iudex ac Benedictus Mezaros iuratus civis civitatis Cibiniensis in ipsorum ac aliorum universorum civium et inhabitatorum eiusdem civitatis Cibiniensis nominibus et personis ab una ac egregius Bartholomeus filius Nicolai Dragfy de Belthewk personaliter pro praefato vero Nicolao parte eiusdem, Anthonius de Akws cum procuratoriis literis conventus ecclesiae de Zenth Iag ab altera partibus coram nobis constituti sunt confessi in hunc modum. Quomodo ipsi causam quam iidem iudex iuratique cives ac universi inliabitatores praetactae civitatis Cibiniensis contra eosdem Nicolaum Dragfy et Bartholomeum filium eiusdem in conventione generali universitati nobilium et aliis cuiusvis status et conditionis hominibus partium Transsilvanarum et signanter in vicinitatibus bonorum dicti Nicolai Dragfy et filiorum Bani de Lossoncz existentibus feria sexta proxima ante dominicam Reminiscere¹⁾ in civitate Coloswariensi de regio literatorio mandato per magnificum Petrum Gereb de Wyngarth, vaivodam Transilvanum Siculorumque comitem, praesentibus e gregiis Iohanne de Feleghaz comite camerarum salium regalium de Zeek et²⁾ Dees ac magistro Stephano de Hashagh protonotario nostro facta coram eisdem inchoassent et suscitassent de partium voluntate ad octavum diem festi beati Michaelis archangeli proxime affecturum³⁾ duxissent prorogandam immo prorogarunt nostri in praesentia eo modo, ut si eaedem partes causa in praemissa in festo Penthecostes nunc affecturo⁴⁾ in praenominata civitate Cibiniensi per medium proborum hominum inter se bono modo concordare poterunt bene quidem. Alioquin memorati iudex iurati ac universi cives et inhabitatores dictae civitatis Cibiniensis causam ipsorum praescriptam in dicto octavo die festi beati Michaeli archangeli nunc venturo contra eosdem Nicolaum Dragfy et Bartholomeum filium ipsius in suo vigore coram personali prae [S. 208] sentia dicti domini nostri regis prosequi valerent atque possent testimonio praesentium mediante. Datum in Coloswar praedicta feria tertia proxima post dominicam Reminiscere, anno domini millesimo quadringentesimo septuagesimo nono.


1) März 5.^{^}
2) Über der Zeile.^{^}
3) Oktober 6.^{^}
4) Mai 30.^{^}