Urkunde Nr. 4325 aus Band VII
- Seite im UB:
- 222-223
- Druckvorlage:
- nach anderem Urkundenbuch mit Quellennachweis
- Abdruck als:
- Volltext
- Sprache:
- Latein
4325
1479 Dezember 13 Der Rat von Klausenburg erteilt der dortigen Leinenweberzunft Satzungen. Orig. Perg. mit an weiss-rot-grüner Seidenschnur hängendem Siegel befand sich früher im Arh. St. Cluj-Napoca, Zunfturkunden, mittelalterliche Sammlung, Nr. 10. Heute verschollen.
Druck: Jakab, Oklevéltár (
») 1, 262 Nr. 162.
Nos Nicolaus Petrimathiae iudex universique prothoconsules et iurati cives civitatis Coluswariensis, ad universorum tam praesentium quam futurorum harum serie volumus pervenire notitiam, quod nostri venientes in praesen-[S. 223] tiam circumspecti et honesti viri Michael Barth, Symon Weber, Stephanus Helner et Andreas Benedek, seniores magistri confraternitatis sive cehae linificum nostrorumque concivium, in suis ac omnium aliorum magistrorum ipsius artificii personis, supplicantes nobis debita precum instantia, ut nos eos et eorum quemlibet suis ipsorum iuribus ac constitutionibus more aliarum confraternitatum gratiosius conservare in ipsisque manutenere dignaremur. Quarum constitutionum seriem, articulatim positam nobis obtulerunt, qui sequitur in haec verba videlicet quod: Primo quilibet magistrorum in czeham nostram veniens sit idoneus et sufficiens ac literas famatoriales exhibere teneatur. Item quilibet nostrum etiam sufficienti testimonio comprobando edoceat quod annos suae eruditionis effective compleverit et artificio nostro prout moris est satisfecerit. Item quilibet magistrorum tempore sui introitus imponendo contribuat auri florenos duos. Item dum aliquis nostrum decedit aut uxor, filius vel filia, extunc omnes magistri exequiis diligenter interesse tenentur; haec autem facere negligentes convincantur in media libra cerae pro qualibet vice, iuniores vero magistri quatuor in singulis eorum agendis famulentur more alias consueto. Item mortuo ex nobis magistro eius relicta frui poterit ut prius artificio et si duxerit alium maritum artis nostrae. Si vero alium alterius artificii, extunc artificium nostrum ei ad laborandum denegetur. Item si quis duxerit filiam magistri matrimonialiter in uxorem sit absolutus a contributione czehae sed magistris debet dare prandium. Item praefati seniores magistri tenentur circumspicere labores cuiuslibet magistri ne perorando vilificentur sed ordine debito ac modo praeficiantur; si quis autem excedens compertus fuerit in quatuor libris cerae convincatur. Item quilibet magistrorum tenetur obedienter servire ad altare sancti spiritus cuius confraternitatem pro animae nostrae salute veneramur. Volentes igitur huiusmodi constitutionum ordinationes perpetue fore valituras visisque ipsorum et auditis condignis petitionibus favorabiliten incliniati praesentes literas nostras privilegiales autentici sigilli nostri in robur perpetuamque firmitatem appensione communitas eisdem irrevocabiliter duximus concedendas. Datum in festo beatae Luciae virginis et martiris, anno domini millesimo quadringentesimo septuagesimo nono.