Urkunde Nr. 4332 aus Band VII

Seite im UB:

228

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 29 313.

Druckvorlage:

nach Original

Abdruck als:

Volltext

Sprache:

Latein

---

4332

Mühlbach 1480 Januar 20 Der Woiwode Stephan Báthori bestätigt die Einsprache gegen die Verpfändung von Dallendorf, Totoiu, Giesshübel u.a. an Mathäus Gereb von Mühlbach.

Nos comes Stephanus de Bathor, vaivoda Transsilvanus necnon iudex curiae serenissimi principis domini Mathiae dei gratia Hungariae, Bohemiae et cetera regis, memoriae commendamus quod nobilis Petrus de Galthew in personis nobilis dominae Magdalenae, coniugis Sebastiani Orzaag de Gwth ac Georgii filii et Barbarae, filiae Ladislai filii Georgii Rykalfy de Tharkew, nostram personaliter veniens in praesentiam per modum protestationis et prohibitionis nobis significare curavit in hunc modum: Quod, prout ipsi percepissent et ad eorum devenisset notitiam, praefatus Ladislaus, filius Georgii Rykalfy, possessiones eorum Dalya, Thathe, Bekenzeg, et Kyzebel vocatas omnino in comitatu Albensi existentes et habitas ipsos exponentes iusto iuris titu[lo...] ¹⁾ tangentes et concernentes circumspecto Matheo Gereb de Zazsebes iudici regii de Zerdahel simulcum cunctis utilitatibus et pertinentiis ad easdem possessiones rite et legitime pertinentibus [...]²⁾ debentibus sub ipsarum possessionem veris metis [et] ¹⁾ antiquis limitibus quo vis nominis vocabulo vocitatis pro certa summa florenorum auri titulo pignoris locasset et a se ipsis alienasset in praeiudicium et dampnum eorundem exponentium valde magnum. Factaque huiusmodi protestationis praefatus Petrus de Galthew nominibus et in per sonis quorum supra eundem Ladislaum filium Georgii Rykalfy ab impignoratione, venditione, alienatione et ad alienorum manus quoquomodo traditione possessionum praedictarum et aliarum quarumlibet hereditatum dictae dominae Magdalenae; memoratum vero Matheum Gereb de Zazsebes praedicta et alios quoslibet ab emptione, receptione, occupatione, detentioneque ac sibiipsis usurpatione seque in dominium earundem quovis quaesito colore intromissione usuum fructuumque et quarumlibet utilitatum earundem perceptione seu percipi factione quomodolibet factis vel fiendis prohibuit contradicendo et contradixit inhibendo lege et consuetudine regie requirendo coram nobis harum nostrarum testimonio literarum mediantibus. Datum in Zazsebes praedicta, in festo beatorum Fabiani et Sebastiani martirum, anno domini millesimo quadringentesimo octuagesimo. [S. 229]


1) Lücke, rechter Rand der Urkunde abgerissen. [2x]^{^}
2) Auf der benützten Photokopie unlesbar, da von Papierstreifen des rückseitigen Siegels bedeckt.^{^}