Urkunde Nr. 4365 aus Band VII

Seite im UB:

244-245

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 398.

Druckvorlage:

nach Original

Abdruck als:

Volltext

Sprache:

Latein

---

4365

Ofen 1480 Juni 22 König Matthias trägt den Sachsen der Sieben und Zwei Stühle sowie der Distrikte Kronstadt und Bistritz auf, die aus dem Zollstreit mit den Grosswardeiner Kapitel erwachsenen Ausgaben gemeinsam zu tragen.

Mathias dei gratia rex Hungariae, Bohemiae et cetera fidelibus nostris universis et singulis septem et duarum sedium, Brassoviensis et Bistriciensis dictrictuum Saxonibus salutem et gratiam. Expositum extitit maiestati nostrae in personis fidelium nostrorum circumspectorum civium et inhabitatorum civitatum nostrarum Czibiniensis et Brassoviensis querulose, quod licet ipsi in causa illa tributi seu thelonei capituli Waradiensis, non minus vos quam ipsos cives nostros tangenti, pro rectificatione videlicet solutionis eiusdem de rebus et bonis mercimonialibus vestris et ipsorum in foris seu nundinis anualibus eidem capitulo faciendae annis proxime elapsis nominibus et in personis universorum Saxonum dictarum septem et duarum sedium, usque ad decisionem praedictae causae, graves admodum fecerint expensas. Tamen vos nescitur quibus de causis in refusionem huiusmodi communium expensarum in medium civium nostrorum praedictorum nihil penitus contribuere velletis, quod ipsis in non¹⁾ parvum praeiudicium cederet atque dampnum. Cum autem commune negotium communibus etiam debeat expensis supportari et dirigi, mandamus fidelitati universitatis vestrae firmiter aliter habere nolentes, quatenus statim postquam praesentibus requisiti fueritis habita ratione cum praefatis civibus super dictis expensis in praetacta causa telonii Waradiensis capituli pro communi factis, prout et in quantum expediverit, quos quoque in medium contribuatis. Et aliud nequaquam facere praesumatis gratiae nostrae sub obtentu. Prae-[S. 245] sentibus perlectis exhibenti restitutio. Datum Budae feria quinta proxima ante festum nativitatis beati Ioannis baptistae, anno domini millesimo quadringentesimo octagesimo, regnorum autem nostrorum anno Hungariae et cetera vigesimo tertio, Bohemiae vero duodecimo.

Relatio Urbani praepositi thesaurarii regii.


1) Über der Zeile.^{^}