Urkunde Nr. 4396 aus Band VII

Seite im UB:

253-254

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Bischofsurkunden [Colecţia de documente episcopale] (Inventar 1), B. U. Nr. 30.

Druckvorlage:

nach Original

Abdruck als:

Volltext

Sprache:

Latein

---

4396

Hermannstadt 1481 März 10 Petrus de Cibinio, Dechant des Hermannstädter Kapitels und Pfarrer von Salzburg, sowie der Hermannstädter Pfarrer Johannes Dwer sprechen den Kanonengiesser Johannes Straws, der in den Türkenkrieg zieht, aller Sünden ledig.

Nos Petrus de Cibinio, artium et decretorum doctor venerabilisque¹⁾ capituli Cibiniensis decani plebanus in Wyzakna, necnon Johannes Dwrr, artium et iuris pontificii baccalaureus urbis Cibiniensis praefatae plebanus et cetera commissariusque in sancto negotio iubilei parochialis ecclesiae gloriosissimae virginis Mariae urbis praedictae ac aliorum locorum terrarumque circumiacentium generales deputati per reverendissimum et illustrissimum dominum [S. 264] dominum Johannem sancti Adriani sacrosanctae Romanae ecclesiae presbyterum cardinalem de Aragonia apostolicum de latere legatum ad Hungariae, Bohemiae Poloniaeque regna a sanctissimo domino nostro papa Sixto quarto destinatum fidem facimus per praesentes, quod quia providus Johannes Straws dictus pixidarius seu bombardus Cibiniensis praesentium exhibitor in subsidium belli et pugnae²⁾ contra perfidissimos Theucros crucis Christi aemulos Thurcos gerendarum iuxta bullas et continentias ordinationesque literarum praefati domini nostri papae emanatarum et confectarum secundum facultatem debitum fecit ponendo et contribuendo ad cippum. Ideo declaramus, quod possit³⁾ ab idoneo confessore a se eligendo ab excommunicationis sententiis, homicidiis interdictique et peccatis omnibus contritis, confessis et oblitis absolvi et assequi vigore sanctissimi iubilei omnium peccatorum remissionem in vita et in mortis articulo semel plenariam indulgentiam, harum nostrarum literarum impendentis sigilli testimonio mediante. Datum loco ut supra decima die Martii et cetera anno domini millesimo quadringentesimo octoagesimo primo.

Forma absolutionis¹⁾

Miseratur¹⁾ tui deus, quia pro tam sanctissimo opere defensionisque fidei katholicae contra saevissimos crucis Christi aemulos Thurcos iuxta tuas facultates et consilium tui confessoris contribuisti. Ideo auctoritate dei omnipotentis et beatorum Petri et Pauli apostolorum ac dictae sanctae⁴⁾ sedis apostolicae mihi in hac parte commissa et tibi concessa ego te absolvo a censuris ecclesiasticis quibuscumque videlicet excommunicationis, suspensionis interdicti et homicidii a iure vel ab homine generaliler aut specialiter in te prolatis et restituo communioni fidelium et participationi ecclesiasticorum sacramentorum et eadem auctoritate absolvo te ab huiusmodi peccatis criminibus et excessibus tuis etiam in casibus praedictae sanctae⁴⁾ sedi reservatis ac supranominatis et do tibi plenariam remissionem omnium criminum et excessuum tuorum, quibus divinam offendisti clementiam et remitto tibi omnes poenas in praesenti saeculo aut in purgatorio pro eis debitis atque patiendas poenas et si hac vice non morieris in articulo mortis tibi reservo in nomine patris et filii et spiritus sancti.


1) In verlängerter Schrift. [3x]^{^}
2) Vorlage pungnae.^{^}
3) Vorlage possint.^{^}
4) Vorlage sannct. [2x]^{^}